टीम मंगळवेढा टाईम्स । प्रतिनिधी
पंढरपूर-मंगळवेढा विधानसभा मतदारसंघाचे आमदार समाधान आवताडे यांच्या वाढदिवसानिमित्त दुष्काळजन्य परिस्थितीचे भान ठेवून सर्वसमावेशक सामाजिक बांधिलकी दृढ करण्याच्या दृष्टिकोनातून अभिष्टचिंतन बडेजाव न करता सर्वसामान्य जनतेच्या आणि शेतकऱ्यांप्रती विविध समाजपयोगी कार्यक्रमांचे आयोजन मतदारसंघामध्ये करण्यात आले असल्याची माहिती वाढदिवस संकल्पक समितीने दिली आहे.

आमदार आवताडे यांच्या वाढदिवसानिमित्त म्हणजेच शनिवार दिनांक २१ नोव्हेंबर रोजी सकाळी ८ वाजलेपासून मंगळवेढा तालुक्यातील प्रत्येक गावोगावी भव्य स्वच्छता अभियान त्याचबरोबर स्वच्छ गाव सुंदर गाव समृद्ध गाव ही संकल्पना गावोगावी प्रत्यक्ष स्वच्छतेच्या रूपाने राबवली जाणार आहे.

त्याचबरोबर मुली जन्माचे स्वागत करण्याच्या संकल्पनेतून २१ नोव्हेंबर रोजी जन्मास येणाऱ्या प्रत्येक मुलींच्या नावे विशिष्ट रक्कम मोडत ठेवीत जमा करण्यात येणार आहे.

शुक्रवार दिनांक २७ नोव्हेंबर रोजी सकाळी नऊ ते दुपारी तीन या कालावधीत सर्व रोग निदान शिबिर व नेत्र तपासणी चष्मे वाटप हा आरोग्य शिबिराचा कार्यक्रम मंगळवेढा ग्रामीण रुग्णालयात त त्याचबरोबर बोराळे, सलगर बु, भोसे, आंधळगाव येथील प्राथमिक आरोग्य केंद्रांमध्ये राबवला जाणार आहे.

आ.आवताडे यांच्या वाढदिवसानिमित्त सर्व धर्मीय सामुदायिक विवाह सोहळ्याची विवाह नोंदणी दि.21 नोव्हेंबर 2026 पासून 10 मार्च 2027 पर्यंत करण्यात येणार आहे त्यासाठी आमदार आवताडे जनसंपर्क कार्यालय पंढरपूर व मंगळवेढा येथे संपर्क साधण्याचे आवाहन हे करण्यात आले आहे.

यंदा संपूर्ण मतदारसंघांमध्ये दुष्काळाची गडद छाया जमा झाल्याने आमदार समाधान आवताडे यांनी आपल्या हितचिंतकांना तसेच कार्यकर्त्यांना आवाहन करताना सांगितले की, दुष्काळजन्य परिस्थितीमुळे

सर्वसामान्य जनता व शेतकरी खूप मोठ्या अडचणी सापडला असल्यामुळे वाढदिवसानिमित्त कोणताही अवाजवी खर्च न करता त्या खर्चातून शेतकऱ्यांना व मतदारसंघातील जनतेला दिलासा मिळेल असे कार्यक्रम राबवून सामाजिक हिताला प्राधान्य देण्याची आपली मानवतेची भूमिका सर्वांनी पार पाडावी.

त्यांच्या या आवाहनाला सकारात्मक प्रतिसाद देत मतदार संघातील अनेक गावांमध्ये विविध सामाजिक, शैक्षणिक सांस्कृतिक कार्यक्रम कार्यक्रमाचे आयोजन करून आमदार समाधान आवताडे यांना शुभेच्छा व्यक्त करण्यात येत आहेत.

तरी वरील सर्व उपक्रमांमध्ये जास्तीत जास्त नागरिकांनी व शेतकऱ्यांनी सहभागी होऊन या लोकचळवळीस आणखी गतिमान करण्याचे आवाहन अभिष्टचिंतन उपक्रम सोहळा समितीच्या वतीने करण्यात आले आहे.
सामान्य जनतेचे अश्रू असण्यात आणि त्यांच्या सुखदुःखात आपला आनंद व्यक्त करण्याची लोकप्रशासक भूमिका पार पाडणारे आपल्या मतदारसंघाचे आमदार समाधान आवताडे यांच्या वाढदिवसानिमित्त कोणतेही भव्यशाली कार्यक्रम अथवा हार-तुरे यावर खर्च न करता
सामाजिक व्यवस्थेला अभिप्रेत असे निरनिराळे कार्यक्रम आयोजित करून अभिष्टचिंतन उपक्रम सोहळा समितीने आमदार आवताडे यांना आगळेवेगळे परंतु विधायक मार्गाने शुभेच्छा देण्याचा अवलंब केला आहे.
कार्यक्रमाचे आयोजन आणि त्यांच्या कारकिर्दीतील लोकसंवेदनशीलतेची नेतृत्व भूमिका पाहता त्यांनाही अशा शुभेच्छा मनापासून आवडतील याची आम्हाला पूर्णपणे खात्री आहे – जनार्धन शिवशरण ( समन्वयक, अभिष्टचिंतन उपक्रम सोहळा समिती)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स



बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज












