रुग्णालयांची मनमानी खपवून घेणार नाही! औषध खरेदीच्या सक्तीवर तुकाराम मुंढेंचा कडक प्रहार; रुग्णांची आर्थिक लूट थांबणार

मंगळवेढा टाईम्स न्युज नेटवर्किंग ।

अन्न व औषध प्रशासनाच्या आयुक्तपदी तुकाराम मुंढे यांची नियुक्ती झाल्यापासून त्यांच्या धडाकेबाज कार्यशैलीने सगळ्याांचे धाबे दणादणाले आहेत. गुटखा, पनीरनंतर आता थेट त्यांचा मोर्चा रुग्णालयाकडे वळवला आहे.

रुग्णालय प्रशासन आणि मेडिकल स्टोअर्सच्या मनमानीला चाप लावण्यासाठी त्यांनी एक मोठा निर्णय घेतला आहे. रुग्णालयांच्या मनमानी कारभाराला लगाम घालत, रुग्णांची होणारी आर्थिक लूट थांबवण्यासाठी त्यांनी कडक मार्गदर्शक सूचना जारी केल्या आहेत.

अनेकदा खाजगी किंवा मोठ्या रुग्णालयांमध्ये रुग्णांना त्यांच्याच रुग्णालयाशी संलग्न असलेल्या मेडिकलमधून औषधे खरेदी करण्याची सक्ती केली जाते. यावर कडक भूमिका घेत एफडीएने स्पष्ट केले आहे की, रुग्णांना कोणत्याही परवानाधारक औषध विक्रेत्याकडून औषधे खरेदी करण्याचा पूर्ण अधिकार आहे. रुग्णालय प्रशासन त्यांना कोणत्याही विशिष्ट दुकानातून औषध घेण्यास भाग पाडू शकत नाही.

कठोर कारवाईचे आदेश

काही रुग्णालयांमध्ये डॉक्टरांची चिठ्ठी (प्रिस्क्रिप्शन) थेट अंतर्गत मेडिकलमध्ये पाठवली जाते आणि रुग्णाच्या नातेवाईकांच्या हातात ती दिली जात नाही. यावर आक्षेप घेत मुंढे यांनी आदेश दिला आहे की, डॉक्टरांनी प्रिस्क्रिप्शन थेट रुग्ण किंवा त्यांच्या नातेवाईकांच्या हातात देणे कायदेशीररित्या बंधनकारक आहे.

प्रिस्क्रिप्शन न देता रुग्णांना विशिष्ट मेडिकलमध्ये पाठवणे किंवा तिथूनच औषधे घेण्याची सक्ती केल्यास, संबंधितांवर कठोर कायदेशीर कारवाई केली जाईल.

रुग्णालयात मराठी आणि इंग्रजीत फलक लावणे बंधनकारक

रुग्णालयांना आपल्या आवारात मराठी आणि इंग्रजी अशा दोन्ही भाषांमध्ये स्पष्ट दिसतील असे सूचना फलक लावणे बंधनकारक करण्यात आले आहे. या फलकांवर खालील माहिती असणे आवश्यक आहे. रुग्णांना त्यांच्या पसंतीच्या कोणत्याही परवानाधारक मेडिकलमधून औषधे घेण्याचा पूर्ण अधिकार आहे.

तक्रार कुठे कराल?

जर एखाद्या रुग्णालयाने प्रिस्क्रिप्शन देण्यास नकार दिला, विशिष्ट मेडिकलमधूनच औषधे घेण्याची सक्ती केली किंवा इतर कोणतीही अडवणूक केली, तर नागरिक FDA च्या संबंधित विभागीय कार्यालयाकडे आपली तक्रार नोंदवू शकतात. या तक्रारींची गांभीर्याने दखल घेऊन दोषींवर तत्काळ कारवाई केली जाईल, असे प्रशासनाने स्पष्ट केले आहे. या धडक निर्णयाबाबत बोलताना एफडीए आयुक्त तुकाराम मुंढे यांनी ग्राहकांच्या हक्कांना प्राधान्य दिले आहे.

तुकाराम मुंढे यांच्या या निर्णयामुळे रुग्णालये आणि औषध विक्रेते यांच्यातील व्यावसायिक साखळीला मोठा दणका बसणार असून, सर्वसामान्यांना औषध खरेदीमध्ये मोठी सवलत आणि स्वातंत्र्य मिळणार आहे. यामुळे रुग्णांची आर्थिक पिळवणूक थांबण्यास मोठी मदत होईल.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज