टीम मंगळवेढा टाईम्स।
मंगळवेढा पोलिसांची अवैध शस्त्रास्त्रांविरोधात मोठी आणि धडक कारवाई दोन देशी बनावटीच्या पिस्तुल आणि तीन जिवंत काडतुसांसह दोन आरोपींना पोलिसांनी रंगेहात बेड्या ठोकल्या आहेत. या कारवाईत गुन्ह्यात वापरलेली मोटारसायकलसह एकूण १ लाख ९१ हजार ८०० रुपयांचा मुद्देमाल जप्त करण्यात आला आहे.
मिळालेल्या खात्रीशीर माहितीनुसार, पंढरपूर रोडवरील एमआयडीसी परिसरातील ‘स्वाद हॉटेल’ समोर काल शुक्रवारी सायंकाळी ५:२० वाजण्याच्या सुमारास मंगळवेढा पोलिसांनी दबा धरून हा सापळा रचला. दोन संशयित तरुण मोटारसायकलवरून पिस्तुल विक्रीसाठी येणार असल्याची टीप पोलिसांना मिळाली होती.
अटकेतील आरोपींची नावे:
१. नाना ज्ञानेश्वर जगताप (वय २५, रा. मंगळवेढा), २. कृष्णा महेश खटकाळे (वय २८, रा. मंगळवेढा) आरोपींवर मंगळवेढा पोलिसांत ‘भारतीय शस्त्र अधिनियम कलम ३ व २५’ अंतर्गत गुन्हा दाखल करण्यात आला आहे.
कुठून आणले पिस्तुल? पोलिसांचा तपास सुरू
हे पिस्तुल आरोपींनी कुठून आणले? ते कोणाला विकणार होते? आणि यामागे मोठे कोणते रॅकेट कार्यरत आहे का? याचा सखोल तपास पोलीस उपनिरीक्षक विजय पिसे करत आहेत.
ही धडक कारवाई पोलीस निरीक्षक दत्तात्रय बोरीगुट्टे यांच्या नेतृत्वाखाली सहाय्यक पोलीस निरीक्षक विनोद लातूरकर, उपनिरीक्षक नागेश बनकर आणि त्यांच्या पथकाने यशस्वीरीत्या पार पाडली.
जिल्ह्यात अवैध अग्निशस्त्रे आणि गंभीर गुन्हेगारांविरोधात विशेष मोहीम अधिक तीव्र केली जाणार असल्याचा इशारा पोलिसांनी दिला आहे.
कुणाचा गेम होणार होता का?
दरम्यान, या तरुणाजवळ पिस्तुल मिळून आल्याने मंगळवेढा परिसरात दहशतीचे वातावरण निर्माण झाले असून या पिस्तुलने ते कुणाचा गेम करणार होते का? अशी चर्चा सुरू आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
