द्राक्ष बागायतदारांनो सावधान! तोतया पोलीस फिरतायत तुमच्या मागावर; मंगळवेढ्यात तोतया पोलिसांचा सुळसुळाट; तपासणीच्या बहाण्याने चालकाच्या डोळ्यादेखत रक्कम लंपास

टीम मंगळवेढा टाईम्स न्युज ।

​मंगळवेढा तालुक्यात गुन्हेगारीने डोके वर काढले असून, आता चक्क पोलिसांच्या नावाने लूटमार करणाऱ्या टोळ्या सक्रिय झाल्या आहेत.

मंगळवेढा-मरवडे रोडवरील फटेवाडी शिवारात दोन अज्ञात तोतया पोलिसांनी द्राक्ष खरेदीसाठी जाणाऱ्या एका चालकाला अडवून त्याच्याकडील ९० हजार रुपयांची रोख रक्कम लंपास केल्याची धक्कादायक घटना घडली आहे.

​नेमकी घटना काय?

​मिळालेल्या माहितीनुसार, इमतियाज मोहम्मद हुसेन (वय ४०, रा. सागर, कर्नाटक) हे त्यांच्या मालकाच्या महिंद्रा बोलेरो पिकअप (क्र. KA 18 B 2434) मधून द्राक्ष खरेदी करण्यासाठी पंढरपूर तालुक्यातील पुळूज येथे जात होते. काल मंगळवारी सकाळी ८:३० च्या सुमारास ते मरवडे ते मंगळवेढा रोडवर असताना, पाठीमागून एका काळ्या रंगाच्या बुलेटवरून दोन तरुण आले.

​फिल्मी स्टाईलने घातला दरोडा

​बुलेटवरील तरुणांनी हुसेन यांच्या गाडीला हॉर्न वाजवून बाजूला घेण्यास सांगितले. गाडी थांबताच, खाकी पँट घातलेल्या एका इसमाने आम्ही पोलीस आहोत असे सांगून बनावट ओळखपत्र दाखवले.

तुमच्या गाडीत गुटखा आणि दारू आहे, आम्हाला चेक करायचे आहे, असे म्हणत त्यांनी चालकाला बोलण्यात गुंतवले. हुसेन यांचे लक्ष विचलित करून आरोपींनी सीटखाली ठेवलेली ९० हजार रुपयांची रोकड अत्यंत शिताफीने चोरली आणि मरवडे गावाच्या दिशेने पळ काढला.

​बुलेटचा पाठलाग केला पण…

​काही वेळानंतर हुसेन यांना सीटखालील पैसे गायब असल्याचे लक्षात आले. त्यांनी तात्काळ आपल्या पिकअपमधून आरोपींच्या बुलेटचा सुमारे ४ किमीपर्यंत पाठलाग केला, मात्र वेगाने असलेल्या बुलेटचा थांगपत्ता लागला नाही. अखेर हुसेन यांनी मंगळवेढा पोलीस ठाण्यात धाव घेऊन तक्रार दाखल केली आहे.

​पोलीस तपासाचे आव्हान

​या घटनेमुळे परिसरात खळबळ उडाली असून व्यापाऱ्यांमध्ये भीतीचे वातावरण आहे. भरदिवसा घडलेल्या या घटनेने पोलिसांच्या कार्यक्षमतेवर प्रश्नचिन्ह उपस्थित होत आहे.

मंगळवेढा पोलीस आता या ‘बुलेट’ सवार तोतया पोलिसांचा शोध घेत असून, सीसीटीव्ही फुटेज तपासण्याचे काम सुरू आहे.

रस्त्यात कुणीही अज्ञात व्यक्ती पोलीस असल्याचे सांगून गाडी थांबवत असेल, तर सतर्क राहा. संशय आल्यास तात्काळ जवळच्या पोलीस ठाण्याशी संपर्क साधावा.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज