मंगळवेढा टाईम्स न्युज कंपनी।
मंगळवेढा तालुक्यातील तळसंगी गावात मराठी शाळेच्या पवित्र परिसरात जुगाराचा डाव मांडणाऱ्या शौकिनांवर मंगळवेढा पोलिसांनी ‘सर्जिकल स्ट्राईक’ केला आहे. पोलीस उपनिरीक्षक नागेश बनकर यांनी धडाकेबाज कारवाई केली आहे.
आज रविवारी सायंकाळी ४ वाजण्याच्या सुमारास टाकलेल्या या छाप्यात ४ लाख ७२ हजार १०० रुपयांच्या मुद्देमालासह १२ आरोपींना रंगेहाथ पकडण्यात आले. पोलिसांच्या या धडाकेबाज कारवाईमुळे संपूर्ण तालुक्यात खळबळ माजली असून अवैध धंदेवाल्यांची झोप उडाली आहे.
शाळेच्या भिंतीलगत रंगला होता डाव
तळसंगी गावातील मराठी शाळेच्या भिंतीचा आडोसा घेऊन काही इसम पैशांची हार-जीत लावून ‘मन्ना’ नावाचा जुगार खेळत असल्याची गोपनीय माहिती पोलिसांना मिळाली होती.
या माहितीची खातरजमा होताच उपविभागीय पोलीस अधिकारी बसवराज शिवपूजे, पोलीस निरीक्षक दत्तात्रय बोरिगीड्डे यांच्या मार्गदर्शनाखाली पोलीस उपनिरीक्षक नागेश बनकर यांच्या पथकाने वेढा घालून अचानक झडप घातली. यावेळी पोलिसांना पाहून जुगारांच्या टोळीची पाचावर धारण बसली, मात्र पोलिसांनी घेराव घालून सर्वांच्या मुसक्या आवळल्या.
या १२ जणांना ठोकल्या बेड्या
या कारवाईत राजेंद्र लिंबा पांढरे (४७), विजय कुबेर हादगल (४८), शहाजी निवृत्ता कदम (४२), नरहरी तुकाराम ऐवळे (४३), महादेव शिवाजी दिवसे (४२), महेश निलाप्पा कांबळे (३५), तानाजी दामू सपकाळ (५८), प्रकाश संदिपान अवताडे (५०), शंकर दामू सपताळ (६५), बाबुराव तुकाराम पाटील (७०), बाबुराव सुखदेव ऐवळे आणि रमेश भिमराव दोडके या सर्वांवर महाराष्ट्र जुगार कायदा कलम १२ (अ) प्रमाणे गुन्हा दाखल करण्यात आला आहे
मुद्देमालाचा डोंगर
पोलिसांनी घटनास्थळावरून केवळ रोख रक्कमच नाही, तर जुगारासाठी वापरल्या जाणाऱ्या आलिशान दुचाकींचा ताफा जप्त केला आहे:
रोख रक्कम: २,१०० रुपये (भारतीय चलनी नोटा).
दुचाकी: स्प्लेंडर, डिस्कव्हर आणि प्लॅटीना अशा एकूण ७ मोटारसायकली (किंमत ४,७०,००० रुपये). जुगाराचे साहित्य आणि पत्त्यांचे कॅट.
पोलिसांची ‘ॲक्शन मोड’ टीम
ही यशस्वी कारवाई मंगळवेढा पोलीस ठाण्याचे पोलीस उपनिरीक्षक नागेश बनकर, पोहेकॉ/९०९ खंडागळे, पोना/५७३ बाबर, पोकॉ/११०५ कदम आणि पोकॉ/४६१ राऊत यांच्या पथकाने केली. या गुन्ह्याचा पुढील तपास पोहेकॉ खंडागळे करत आहेत.
”मंगळवेढा तालुक्यात कोठेही अवैध धंदे सुरू असल्यास त्यांची गय केली जाणार नाही,” असा इशारा या कारवाईतून पोलिसांनी दिला आहे. शाळेसारख्या पवित्र ठिकाणी जुगार खेळणाऱ्या या टोळीवर झालेल्या कारवाईचे सर्वसामान्य जनतेतून कौतुक होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
