विद्यार्थ्यांनो! नागपंचमीच्या निमित्ताने आज जिल्ह्यातील शाळा बंद, गोकुळाष्टमीला सुटी नाही; उन्हाळी सुटीचा सुधारित कालावधी जाहीर

टीम मंगळवेढा टाईम्स ।

नागपंचमीच्या निमित्ताने सोलापूर शहर व जिल्ह्यातील सर्व माध्यमांच्या व सर्व व्यवस्थापनाच्या शाळांना (उर्दू माध्यम वगळून) नागपंचमीची सुटी आज शुक्रवार ९ ऑगस्ट २०२४ रोजी जाहीर करण्यात आली आहे.

त्यासंदर्भातील परिपत्रक प्राथमिकचे शिक्षणाधिकारी कादर शेख व मनपा प्रशासनाधिकारी संजय जावीर यांनी काढले आहे.

दरम्यान, प्राथमिक विभागाने सन २०२४-२५ सालातील एकूण सुट्या जाहीर करताना नागपंचमीची सुटी जाहीर करण्यात आलेली नव्हती.

शिक्षक संघटनांनी केलेली मागणी व ग्रामीण भागात मोठ्या प्रमाणात साजरा होणारा नागपंचमीचा सण, उत्सव साजरा केला जातो.

त्यामुळे प्राथमिक विभागाने वर्षाच्या जाहीर केलेल्या सुट्याच्या अधिन राहून जिल्ह्यातील सर्व माध्यमांच्या व सर्व व्यवस्थापनाच्या शाळांना (उर्दू माध्यम वगळून) नागपंचमीची सुटी जाहीर करण्यात आली आहे.

नागपंचमी हा श्रावण महिन्यातील सण आहे. या दिवशी घरोघरी नागाची पूजा करून नागदेवतेला प्रसन्न करण्याची पद्धत आहे. यादिवशी प्रामुख्याने महिला उत्सव साजरा करतात.

उन्हाळी सुटीचा सुधारित कालावधी जाहीर

■ नागपंचमी सणानिमित्त दिलेल्या सुटीमुळे शाळांना देण्यात येणारी उन्हाळी सुट्यांच्या कालावधीत बदल करण्यात आला असून

३ मे २०२५ ते १४ जून २०२५ असा सुधारित उन्हाळी सुटीचा कालावधी राहणार असल्याचेही शिक्षणाधिकारी कादर शेख व माध्यामिकचे शिक्षणाधिकारी सचिन जगताप यांनी परिपत्रकान्वये सांगितले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज