टीम मंगळवेढा टाईम्स ।
राज्यात गेल्या आठ महिन्यांत १०,१०८ रुग्णांमध्येतीव्र श्वसन संक्रमण (अॅक्युट रेस्पिरेटरी इन्फेक्शन-एआरआय) किंवा श्वसनाशी संबंधित आजारांची नोंद झाली आहे.
सरकारच्या १७ सेंटिनल केंद्रांवर या रुग्णांची नोंद झाली आहे. त्यात १० हजार रूग्णांपैकी ४,६८१ रुग्णांना उपचारासाठी दाखल करावे लागले. ऑक्टोबर आणि नोव्हेंबरमध्ये मुंबईत ७१९, ठाणे ३९६, पुणे २८२, अकोला २१० आणि कोल्हापूरमध्ये १३५ सर्वाधिक प्रकरणे नोंदली गेली आहेत.
महाराष्ट्रातील अत्यंत खराब हवा गुणवत्तेमुळे तीव्र श्वसन संक्रमण समस्या उद्भवत असल्याचे आरोग्य अधिकाऱ्यांनी सांगितले. ज्यामुळे अशा रुग्णांना रुग्णालयात दाखल करणे आवश्यक आहे. १७ शहरांमधील
वायू प्रदूषणाशी संबंधित आरोग्याच्या धोक्यांवर लक्ष ठेवण्यासाठी सेंटिनल मॉनिटरिंग साईट म्हणून नियुक्त केलेली १७ रुग्णालये (वैद्यकीय महाविद्यालये आणि जिल्हा रुग्णालये) आहेत.
रुग्णालयात दाखल रुग्णांना दमा, श्वसनविकार आणि फुफ्फुसाचा आजाराचा त्रास होता. वायू प्रदूषणामुळे श्वसनविकार आणि दम्याच्या रुग्णांची संख्या लक्षणीय वाढली, असेही वरिष्ठ आरोग्य अधिकाऱ्यांनी सांगितले.
आम्ही सर्व नोडल अधिकाऱ्यांनात्यांच्या संबंधित क्षेत्रातील ‘एआरआय’ प्रकरणांच्या संख्येच्या आधारे उपाययोजना करण्याचे निर्देश दिले आहेत. त्यातून वायू प्रदूषणामुळे उद्भवू शकणाऱ्या आरोग्याच्या समस्या टाळण्यासाठी आणि नियंत्रित करणे शक्य होईल.
प्रत्येक जिल्ह्यात आरोग्य सुविधा सक्षम करून रुग्णांवर पाळत ठेवण्याचे काम केले जात आहे, असेही या अधिकाऱ्यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
