मंगळवेढा टाइम्स न्यूज नेटवर्क ।
मंगळवेढा तालुक्यातील मेटकरवाडी पाटकल येथील समाधान देविदास वाघमोडे यांच्या जर्शी गायीवर वीज पडून गाय मृत्युमुखी पडली आहे.
यामुळे वाघमोडे यांचे लाखाचे नुकसान झाले आहे. ही घटना काल रात्री सव्वाआठच्या सुमारास घडली आहे.
याबाबत अधिक माहिती अशी की मंगळवेढा तालुक्यात सायंकाळी पाचच्या सुमारास सर्वत्र वादळ वारे सुटले होते या वाऱ्याबरोबरच विजांचा कडकडाट देखील सुरू होता.
मंगळवेढा शहर व ग्रामीण भागात या वादळी वाऱ्यामुळे मोठ मोठे धुळीचे लोट निर्माण झाले होते. या वाऱ्यामुळे शेतकऱ्याचे मोठे नुकसान झाले आहे तसेच वाऱ्यामुळे अनेक ठिकाणी विद्युत पुरवठा खंडित झाला होता.
विजाचा कडकडाट सुरू होता. मेटकरवाडी येथील समाधान वाघमोडे यांचा पाठखल खडकी रस्त्याच्या कडेला मुक्त गोठा असून त्यांच्याकडे दहा ते बारा जर्सी गाई आहेत.
रात्री सव्वा आठच्या सुमारास येथील एका गाईवर वीज पडलेल्या त्या गाईचा जागीच मृत्यू झाला आहे.
गेल्या काही दिवसात अवकाळी पाऊस व विजा मुळे पशुधनाला धोका निर्माण झाला असून गेल्याच आठवड्यात नंदेश्वर येथे विजेच्या धक्क्याने तीन जनावरे मेली होती. त्यापूर्वी लक्ष्मी दहिवडी येथे देखील वाऱ्यामुळे 12 जनावरे जखमी झाली होती.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
