टीम मंगळवेढा टाईम्स।
मुख्यमंत्री म्हणून एकनाथ शिंदे यांचे नाव ऐनवेळी जाहीर झाल्यानंतर सर्वांनाच धक्का बसला. यानंतर लगेचच दुसरा धक्का फडणवीस यांनी उपमुख्यमंत्रिपद स्वीकारल्यानंतर बसला.
आता मंत्रिपदाबद्दलही कमालीची गुप्तता पाळण्यात येत आहे. यासाठी भाजप आणि शिवसेनेच्या बंडखोर आमदारांनी फिल्डिंग लावली आहे.
सोलापूर जिल्ह्यात भाजपचे किंवा भाजपला मानणारे अधिक आमदार आहेत. या सर्वांनाच मंत्रीपदाचे डोहाळे लागले आहेत.
प्रत्येक जण आपापल्या सोर्सचा वापर करीत आहे. मात्र शपथविधीपूर्वी काही तास आधी भाजपचे धक्कातंत्र पाहता या प्रयत्नांना कितपत यश येईल, याबाबत भाजपचे आमदार साशंक आहेत.
गतवेळीच्या फडणवीस मंत्रिमंडळात सोलापूर जिल्ह्यातील दोन भाजपाचे सदस्य होते. या वेळीही कदाचित जिल्ह्यातून दोन किंवा तीन जणांना मंत्रिपद मिळू शकते,
मात्र ही संधी कोणाला मिळेल हे कळण्यासाठी आणखी काही दिवस वाट पाहावी लागू शकते. (स्रोत:लोकमत)
भावी मेंबरला प्रभागातल्या चिमुकल्यांचाही पुळका …
निवडणुकीची हवा सध्या शहरात आहे. प्रत्येक प्रभागात अनेक इच्छुक आहेत. इतके दिवस गल्लीतून जाताना साधा कुणाला नमस्कार न करणाऱ्यांनाही आता स्वत : मेंबर बनल्याची स्वप्नं पडत आहेत. ही स्वप्नं पूर्ण करण्यासाठी ते आता सर्वांशी संपर्क साधत आहेत.
यासाठी फक्त भेटीच नव्हे तर सोशल मीडियाचा आधार घेण्यात येत आहे. असाच एक भावी नगरसेवक सध्या सोशल मीडियावर धुमाकूळ घालतोय.
गल्लीतल्या लहान मुलाचा वाढदिवस असला तरी त्याला सोशल मीडियावरून शुभेच्छा देतोय. आपला भाऊ , उमलते नेतृत्व , नेते , दिलदार मनाचा अशी विशेषणं वापरुन गल्लीतल्या प्रत्येकाला शुभेच्छा देतोय.
यासाठी त्याच्या घरी आदल्या दिवशी जाऊन फोटो काढण्यात येतो किंवा जुना फोटो वापरला जातो. आता तर त्याने कहरच केलाय. प्रभागाच्या कुठल्या तरी कोपऱ्यात कुणाला मुलगा किंवा मुलगी झाली तरी सोशल मीडियावरून …. भावाला मुलगा झाला.
त्याचे अभिनंदन म्हणत पोस्ट टाकतोय. नवं बाळ तर आपला मतदार नाही म्हणून बाळाच्या बापाचा फोटो झळकवून शुभेच्छा देतोय.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
