टीम मंगळवेढा टाइम्स ।
दैवी शक्तीच्या आधारे पैशाचा पाऊस पाडून देतो म्हणत, १५ लाख रुपयांना गंडा घालणाऱ्या आणखी चौघांना पोलिसांनी अटक केली.
मांत्रिक रोहित भालचंद्र बेन्नाळकर (वय ३४, रा.अकलूज ), संदीप सुभाष पाटील (३१,रा.अंजनी, ता.तासगाव), रोहित महादेव ऐवळे (३२ , रा . खणभाग , सांगली) आणि अरुण शिवलिंग कोरे ( ३३ , रा . म्हैसाळ , ता . मिरज ) , अशी अटक केलेल्यांची नावे आहेत.
सांगलीतील बादशाह पाथरवटसह दोघांना अगोदरच अटक करण्यात आली आहे. याप्रकरणी सुनील मोतीलाल व्हटकर (रा . बुधवार पेठ , सोलापूर ) यांनी सांगली ग्रामीण पोलिसांत फिर्याद दाखल केली होती.
पोलिसांनी दिलेली माहिती अशी की, सोलापुरात राहणाऱ्या व्हटकर यांना त्यांच्या परिचित असलेल्या शिवानंद हाचगे याने संशयित मांत्रिक आणि पाथरवट पती-पत्नीची ओळख करून दिली होती.
चौघांनी संगनमत करून दि.१५ मे ते सोमवार दि.२० जून या कालावधीत व्हटकर यांना बोलावून घेतले. तिथे जडीबुटीच्या साहाय्याने व दैवीशक्तीने तुमच्या घरी जास्तीत जास्त पैसे मिळतील, तुमच्या घरी पैशाचा पाऊस पडेल , असे आमिष दाखवले.
यासाठी लागणारी जडीबुटी आणण्यासाठी व्हटकर यांच्याकडून त्यांनी वेळोवेळी १५ लाख रुपये घेतले होते.
फसवणूक झाल्याचे निदर्शनास येताच व्हटकर यांनी सांगली ग्रामीण पोलीस ठाण्यात फिर्याद दिली होती.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज