टीम मंगळवेढा टाईम्स ।
मंगळवेढा येथील नगरसेवक प्रशांत यादव, नगरसेवक चंद्रकांत पडवळे, अविनाश डांगे, राज पडवळे, महेश हजारे, युवराज हजारे, अक्षय कोळी, किरण हजारे, दिपक उन्हाळे सागर साळुंखे यांची पंढरपूर येथील जिल्हा व सत्र न्यायाधीश कुलकर्णी यांनी निर्दोष मुक्तता केली आहे.
यात हकिकत अशी की, दि.५ सप्टेंबर २०१७ रोजी गणेशोत्सवाच्या काळामध्ये अप्पर जिल्हाधिकारी सोलापूर यांचा ५ अगर त्यापेक्षा जास्त इसम एकत्रीत येणे , सार्वजनिक घोषणाबाजी करणे , हत्यार बाळगणे यासाठी आदेश केलेला होता.
दि.४ सप्टेंबर २०१७ रोजी जगदंबा गणेश मंडळाची मिरवणूक चालू असताना रात्री ९ .४५ वा. संकेत नागनाथ लोखंडे, भिमनगर यांचे प्रशांत यादव व चंद्रकांत पडवळे यांचेशी किरकोळ तक्रार झाली होती.
त्या संदर्भात शांततेच्या दृष्टीने उपविभागीय अधिकारी व पोलिस अधिकारी यांची मिटींग चालू असताना वरील सर्व आरोपी व इतर ४० ते ५० अनोळखी इसम एकत्रीत येवून पोलिस स्टेशनचे मैदानात येवून मोठमोठयाने आरडाओरडा करून
घोषणा देवून सार्वजनिक शांततेचा भंग केला व शासकीय कामामध्ये अडथळा केला म्हणून पोलीस हवालदार राजकुमार गणपत ढोबळे यांनी आरोपीविरूध्द इं.पि.को.कलम ३५३,१४३,१४७ कायदा १३५ काम प्रमाणे गुन्हा नोंद झालेला होता.
सदर आरोपींचे विरोधात पंढरपूर कोर्टात दोषारोपपत्र दाखल झाले. त्यामध्ये ७ साक्षीदारांचे जबाब नोंदविण्यात आले.
आरोपींच्यावतीने अॅड.डी.सी. जाधव यांनी पाहिले. युक्तीवादामध्ये सरकारी पक्षाने गुन्हा शाबीत केलेला नसून सदर आरोपींनी शासकीय कामामध्ये काही एक अडथळा आणला नव्हता.
व अप्पर जिल्हाधिकारी सोलापूर यांनी महाराष्ट्र पोलिस अधिनियम ३७ ( १ ) व ३७ ( ३ ) प्रमाणे जो आदेश काढलेला होता त्या आदेशाचे प्रसिध्दीकरण पोलिस अधिकारी यांनी करणे गरजेचे होते. त्यामुळे सदरचा गुन्हा शाबीत होवू शकला नाही. असा युक्तीवाद आरोपींचे वकिलांनी केला.
सदर आरोपींना कोर्टाने सदर गुन्हयातून निर्दोष मुक्त केलेले आहे. यात आरोपीतर्फे अॅड.धनंजय जाधव यांनी काम पाहिले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
