टीम मंगळवेढा टाईम्स ।
सोलापूर शहराप्रमाणे ग्रामीण भागातही कोरोनाचा प्रादुर्भाव आटोक्यात आला आहे. जिल्ह्यात गेल्या २४ तासात ४३ रुग्ण आढळून आले.
यामध्ये शहरातील सहा आणि ग्रामीणमधील ३७ रुग्णांचा समावेश आहे. कोरोनामुळे माढा आणि मंगळवेढा तालुक्यात दोन जणांचा मृत्यू झाल्याचे रविवारी स्पष्ट झाले.
महापालिकेने शनिवारी एकूण ६०१ चाचण्या केल्या. यातील ५ ९ ६ चाचण्यांचे अहवाल प्राप्त झाले. या अहवालातून सहा रुग्ण आढळून आले.
यापूर्वी रुग्णालयात असलेल्या चार जणांना डिस्चार्ज देण्यात आला. अद्यापही १८ जण रुग्णालयात आहेत . जिल्हा परिषदेच्या आरोग्य विभागाने शनिवारी एकूण ३७९४ चाचण्या केल्या. यातून ३७ रुग्ण आढळून आले.
यामध्ये अक्कलकोट तालुक्यातील १ , बार्शी ५ , करमाळा ५, माढा ७ , माळशिरस १० , मंगळवेढा २ , मोहोळ ३ , पंढरपूर तालुक्यातील चार रुग्णांचा समावेश आहे.
सांगोला , दक्षिण सोलापूर , उत्तर सोलापूर तालुक्यात एकही रुग्ण आढळून आला नाही. यापूर्वी रुग्णालयात दाखल असलेल्या ७८ जणांना डिस्चार्ज देण्यात आला.
मृतांमध्ये मानेगाव (ता.माढा) येथील ६८ वर्षीय पुरुष , मुंढेवाडी ( ता . मंगळवेढा ) येथील ५८ वर्षीय पुरुषाचा समावेश आहे.
सोलापूर जिल्ह्यात म्युकरमायकोसिसचा नवा रुग्ण आढळून आला नाही , मात्र अद्यापही या आजाराने एकूण ११ रुग्ण उपचार घेत आहेत . आजवर जिल्ह्यात एकूण ६ ९ ७ रुग्ण आढळून आले. यापैकी ५८३ जण बरे झाले आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
