टीम मंगळवेढा टाईम्स ।
मंगळवेढा तालुक्यातील माणनदी पात्रातील ट्रॅक्टर ट्रॉलीमध्ये १ ब्रास वाळू चोरून भरून धर्मगाव ते मंगळवेढा रस्त्याने वाहतूक करणाऱ्या विशाल मारुती ईरकर व महादेव मारुती ईरकर (रा.भाळवणी,ता.मंगळवेढा ) या दोघा भावावर मंगळवेढा पोलिस ठाण्यात गुन्हा दाखल करण्यात आला आहे. फिर्याद पोलिस अधीक्षक यांच्या विशेष पथकातील पो.कॉ.मनोज सुरेश राठोड यांनी दिली.
संशयित आरोपी विशाल मारुती ईरकर व महादेव मारुती ईरकर यांच्या विरोधात गुन्हा दाखल करण्यात आला आहे.ही कारवाई दि.१९ मार्च २०२१ रोजी धर्मगाव शिवारातील माण नदी पात्रातील बापू मेटकरी यांचे शेताशेजारी करण्यात आली.
याबाबत पोलिसानी दिलेली माहिती अशी की,१९ मार्च २०२१ रोजी सायंकाळी ट्रॅक्टरचे (नंबर एमएच १३ – सी एस ५२४८) चालक विशाल मारुती ईरकर वमालक महादेव मारुती ईरकर यांनी लाल रंगाच्या ट्रॅक्टर ट्रॉलीत धर्मगाव शिवारातील माण नदी पात्रातील वाळू चोरून धर्मगाव रस्त्याने नेताना आढळले.
या प्रकरणी पोलिसांनी ६ लाख रुपये किमतीचा लाल रंगाचा ट्रॅक्टर व ट्रॉली, त्यातील ६ हजार रुपये किमतीची १ ब्रास वाळू असा ६ लाख ६ हजार रुपये किमतीचा मुद्देमाल जप्त केला आहे. तपास पोना अमर सुरवसे करीत आहेत.
बैतूल ऑईल मिल साडेसात कोटींची चोरी प्रकरणी आरोपींचा जामीन फेटाळला
आयकर विभागाने सील केलेल्या बैतूल ऑईल मिलच्या जागेमधून ७ कोटी ४७ लाख रुपयांचा मुद्देमाल चोरणाऱ्या आरोपींचा जामीन अर्ज जिल्हा व सत्र न्यायाधीश व्ही.जी. मोहिते यांनी फेटाळून लावला.
मनीष राजेंद्र बोथरा ( रा.कोंडी ) , रामचंद्र भर्तरी शिंदे ( रा . बाळे ) , दिलीपकुमार पवार ( रा . बैतूल मध्यप्रदेश ) , राम अविश यादव ( रा . नारायणपूर उत्तर प्रदेश ) , गणेश दत्तात्रय वाघमोडे ( रा . मोहोळ ) अशी जामीन फेटाळलेल्या पाचजणांची नावे आहेत.
याबाबत आयकर विभागाचे प्रकाश मिथलेश यांनी सोलापूर तालुका पोलिस ठाण्यात फिर्याद दिली आहे . फिर्यादी हे कोंडी येथील बैतूल ऑईल मिल येथे आयकर विभागाच्या कारवाईसाठी गेले होते . पथकाने बंगल्यास सील लावून पथक कंपनीच्या बाहेर पडले होते.
रात्री अकराच्या सुमारास फिर्यादी हे व्हिजीट करण्याकरता तेथे गेले . कंपनीजवळ उभ्या असलेल्या कारमध्ये बॅगा होत्या . त्यामध्ये दोन हजार व पाचशे रुपयांच्या नोटा होत्या .
तसेच कारच्या डिकीमध्ये असलेल्या बॅगमध्ये डायमंड होते . त्यावेळी बंगल्याचे ग्रील तोडलेले दिसून आले . त्याच ठिकाणी गॅस कटर व साहित्य पडलेले होते. या घटनेची सोलापूर तालुका पोलिसांना माहिती मिळाल्यानंतर ते त्या ठिकाणी दाखल झाले.
त्यावेळी आरोपींच्या कारमधील ७ कोटी ४५ लाख रुपयांची रोकड ताब्यात घेवून ती एसबीआय बँकेमध्ये जमा करण्यात आली . तसेच ३० कोटी २८ ला रुपयांचे हिरे व सोन्याचे दागिने जप्त करण्यात आले.
याबाबत तालुका पोलिस ठाण्यात पाचजणांविरूध्द चोरीचा गुन्हा दाखल करण्यात आला होता . न्यायालयाने पाचही जणांचा जामीन फेटाळून लावला . यात सरकार कडून अॅड . प्रदिपसिंग राजपूत , तर आरोपीच्यावतीने अॅड . आर . आर . पाटील , अॅड . अरविंद अंदोरे यांनी काम पाहिले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज