टीम मंगळवेढा टाईम्स ।
मोहोळ तालुक्यातील घोडेश्वर पेठ बेगमपूर येथे रविवार दिनांक ७ रोजी रात्री दहाच्या दरम्यान रस्त्यावरून जात असलेल्या वाटसरूच्या अंगावरून ट्रॅक्टर गेल्यामुळे युवकाचा जागीच मृत्यू झाला असून सुरेश भिवाजी नागणे (वय -४०,रा.मंगळवेढा) असे त्या मृत तरूणाचे नांव आहे.
याबाबत अधिक माहिती अशी की, मोहोळ तालुक्यातील घोडेश्वर पेठ बेगमपूर येथील इंदिरानगर येथे सोलापूरकडून उसाचा टॅक्टर (एम.एच.१०.ए.वाय.२४९४) मंगळवेढ्याकडे निघालेला होता.
रात्री १० च्या सुमारास बेगमपूर येथील इंदिरानगर येथे सुरेश भिवाजी नागणे हा युवक टॅक्टरखाली आला त्यामुळे त्याचा अपघात झाला व तो जागीच मृत्यू पावला.
घटनेची माहिती मिळताच कामती पोलिस स्टेशनचे अधिकारी तात्काळ घटनास्थळी दाखल झाले.
या अपघाताची नोंद पोलिसात झाली असून पुढील तपास कामती पोलिस करीत आहेत. सुरेश नागणे यांच्या पश्चात आई, पत्नी, तीन मुली, एक मुलगा, दोन भाऊ असा मोठा परिवार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
