लॉजवर छापा टाकून परप्रांतीय महिलेसह दोघांना पकडले; मंगळवेढ्यातील एजंट अटक

टीम मंगळवेढा टाईम्स ।

पोलिसांनी अचानक लॉजवर छापा टाकून पश्चिम बंगाल येथून महाराष्ट्रात वेश्या व्यवसाय करणाऱ्या परप्रांतीय महिलेसह तिचे पाच महिन्याचे बाळ व अन्य दोघींना रंगेहाथ पकडले.

आज येथे भेट द्या : मंगळवेढ्यात इकोमिल्क अँड लॅक्टोस्कॅन मेनुफेक्चर कंपनीचा आज उद्घाटन सुभारंभ

पोलिसांनी कारवाईदरम्यान एजंटकडून रोख ५६ हजार १५० रुपये रक्कम जप्त केली.ही कारवाई हॉटेल प्रिन्सराज सांगोला-मिरज रोडवरील गोडसेवाडी येथे केली.

याबाबत सहा.पोलीस निरीक्षक प्रशांत हुले यांनी फिर्याद दाखल केली आहे.

पोलिसांनी एजंट दत्तात्रय पांडुरंग घोडके (रा . लेंडवेचिंचाळे, मंगळवेढा), सागर भगवान बनसोडे (रा.गोडसेवाडी , सांगोला), दिनेश विठ्ठल ननवरे (रा.कडलास), बबलू शिवाजी भोसले (रा.वाढेगाव नाका,सांगोला), समीर गुलाब शेख (रा.सिद्धार्थनगर-बारामती, जि . पुणे), लॉज मालक जयसिंग सोना पवार (रा.नाझरे, ता.सांगोला ) यांच्यावर गुन्हा दाखल केला आहे.

पोलीस निरीक्षक राजेश गवळी यांना
गोपनीय माहितीच्या आधारे सांगोला-मिरज रोडवरील हॉटेल प्रिन्सराज लॉजवर वेश्या व्यवसाय चालवला जात असल्याची माहिती मिळाली होती.

त्यानुसार सहा.पोलीस निरीक्षक प्रशांत हुले,सहा.पोलीस फौजदार कल्याण ढवणे, हवालदार धुळा चोरमले, महिला पोलीस कर्मचारी चौगुले यांच्या पथकाने या लॉजवर अचानक छापा टाकला.

वरील ६ पैकी दोन एजंट , लॉज मालक आपापसात संगनमताने पश्चिम बंगाल येथून महाराष्ट्रात दोघी पीडिताकडून वेश्याव्यवसायाद्वारे त्यांचे लैंगिक शोषण केले.

स्वतःच्या फायद्याकरिता पैसे कमविण्याच्या इराद्याने लबाडी करून फसवून पैसे मिळवत होते. वेगवेगळ्या ग्राहकांना आकर्षित करून वेश्या व्यवसाय करताना महिलेसह आढळून आले.

याबाबत सहा.पोलीस निरीक्षक प्रशांत हुले यांनी सरकारतर्फे लॉज मालक , एजंट अशा ६ जणांविरुद्ध गुन्हा दाखल केला आहे. तपास पोलीस निरीक्षक राजेश गवळी करीत आहेत.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9970 76 6262 हा आमचा नंबर.