प्रतिनिधी | टीम मंगळवेढा टाइम्स
मंगळवेढा तालुक्यातील नागरिकांनी १९, २०, २६ आणि २७ सप्टेंबर रोजी सकाळी १० ते सायंकाळी ६ या वेळेत आपल्या संबंधित मतदान केंद्रावर जाऊन मतदार यादीतील नावाची खात्री करावी.
नाव नसल्यास नवीन नोंदणी, नोंदीमध्ये त्रुटी असल्यास दुरुस्ती अथवा आवश्यकतेनुसार नाव वगळणीसाठी अर्ज सादर करावा, असे आवाहन तहसीलदार तथा २५२ पंढरपूर विधानसभा मतदारसंघाचे सहाय्यक मतदान नोंदणी अधिकारी मदन जाधव यांनी प्रसिद्धी पत्रकाद्वारे केले आहे.
भारत निवडणूक आयोगाच्या निर्देशानुसार राज्यात मतदार यादीच्या विशेष सखोल पुनरिक्षणाचा कार्यक्रम राबवण्यात येत असून, २५२ पंढरपूर विधानसभा मतदारसंघांतर्गत मंगळवेढा तालुक्यात दावे व हरकती सादर करण्यासाठी ३१ ऑगस्ट ते ३० सप्टेंबर हा कालावधी निश्चित करण्यात आला आहे.
विशेष सखोल पुनरीक्षणाच्या प्रारूप मतदार यादीमध्ये गैरहजर, स्थलांतरित किंवा अन्य कारणांमुळे काही पात्र मतदारांची नावे समाविष्ट होऊ शकलेली नाहीत. अशा नागरिकांना त्यांच्या सध्याच्या सर्वसाधारण रहिवासाच्या ठिकाणाहून मतदार यादीमध्ये नव्याने नाव समाविष्ट करून घेण्याची संधी दावे व हरकतीच्या कालावधीत उपलब्ध करून दिली आहे.
त्यामुळे प्रारूप मतदार यादीत नाव नसलेल्या पात्र नागरिकांनी या कालावधीचा लाभ घेऊन मतदार यादीत आपले नाव नोंदवून घ्यावे, असे आवाहन प्रशासनाकडून केले आहे.
नोंदणीपासून वंचित राहू नये, भविष्यात होईल लाभ
विशेषतः १ ऑक्टोबर २०२६ या आर्हता दिनांकानुसार वयाची १८ वर्षे पूर्ण झालेल्या आणि अद्याप मतदार म्हणून नाव नोंदविता न आलेल्या युवकांनी या शिबिरांचा लाभ घेऊन मतदार यादीत आपले नाव नोंदवून घ्यावे. पात्र मतदार मतदार यादीत नाव नोंदणीपासून वंचित राहू नयेत, यासाठी सर्व मतदान केंद्रस्तरीय अधिकाऱ्यांनी विशेष प्रयत्न करण्याचे निर्देश देण्यात आले आहेत.
संबंधित केंद्रावर अर्ज करावा, नाव पूर्ववत होईल
विशेष सखोल पुनरीक्षणाच्या माध्यमातून पात्र मतदारांचे नाव मतदार यादीत समाविष्ट होणे, अस्तित्वातील नोंदी अचूक होणे आणि अपात्र अथवा आवश्यकतेनुसार वगळण्यात येणारी नावे यादीतून काढण्याची प्रक्रिया राबविण्यात येत आहे.
त्यामुळे ज्या नागरिकांचे नाव प्रारूप मतदार यादीत नाही, स्थलांतरामुळे नावाची नोंद राहिलेली नाही किंवा मतदार यादीतील नाव, पत्ता अथवा अन्य तपशीलात दुरुस्ती आवश्यक आहे, त्यांनी संबंधित मतदान केंद्रावर जाऊन अर्ज सादर करावा.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
