टीम मंगळवेढा टाईम्स ।
सोलापूरकडे जाणाऱ्या मंगळवेढा जीपमध्ये महिलेचे पर्समधील दोन तोळ्याचे सोने व सहा हजार रोकड अज्ञात महिलांनी लंपास केली.
मंगळवारी सकाळी साडेदहाच्या सुमारास बोराळे नाका येथे ही घटना घडली. सोने व पैसे गेलेल्या महिलेचे नाव रुपाली गणेश शिंगाडे ( ३६ , जुनी चाळ , सोलापूर ) आहे.
मंगळवेढ्यातील उद्योजक हॉटेलचे मालक खांडेकर यांच्या त्या बहीण असून त्या वडील आजारी असल्याने त्यांना पाहण्यासाठी सोमवारी आल्या होत्या.
मंगळवारी सकाळी त्या बसची सोय नसल्याने खासगी जीपने सोलापूरकडे निघाल्या होत्या. यावेळी त्यांच्या शेजारी तीन महिला बसल्या होत्या.
त्यांनी आम्हाला तिकीट अर्धे घ्या नाही तर आम्ही परत जातो, असे वारंवार त्या जीप चालकाशी गोंधळ करून त्यांनी रूपाली शिंगाडे यांच्या पर्समधील छोटी पर्स गायब करून पसार झाल्या.
जीप सोलापूरकडे जाताना रूपाली शिंगाडे यांनी लागलीच पर्स तपासली असता छोटी पर्स महिलांनी चोरून नेल्याचे लक्षात आले.
या पर्समध्ये दागिने व पैसे काढून टाकून दिलेली पर्स शिंगाडे यांना सापडली. याप्रकरणी मंगळवेढा पोलीस ठाण्यात दिलेल्या फिर्यादीवरून गुन्हा नोंदला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
