टीम मंगळवेढा टाईम्स ।
गोल्ड ट्रेडिंग शेअर मार्केटमध्ये ठराविक रक्कमेची गुंतवणूक केल्यास परताव्यापोटी मुद्दल १० टक्के व प्रॉफिट १० टक्के असे आमिष दाखवून एका महिला डॉक्टरास सुमारे ४ लाख ६० हजार रुपयाचा गंडा घातला आहे.
या फसवणूक प्रकरणी सांगोला पोलिसात चौघांविरुद्ध गुन्हा दाखल केला. याबाबत डॉ.अमृता अण्णासाहेब लवटे, (रा.मस्के कॉलनी एखतपूर रोड, सांगोला) यांनी फिर्याद दिली आहे.
पोलिसांनी निलेश रामचंद्र गायकवाड (रा. फुलचिंचोली, ता.पंढरपूर), सिकंदर रशीद पठाण, संजय बाबासाहेब रोकडे व शिवाजी दिलीपकुमार गलिंदे ( सर्वजण रा . पुणे ) यांच्यावर गुन्हा दाखल केला आहे.
याबाबत डॉ.अमृता लवटे यांची आरोपी नीलेश गायकवाड यांच्याबरोबर ओळख झाल्यानंतर त्याने त्यांना मी अवलूस कन्सल्टींग प्रा.लि व अवलूस इन्फ्रा प्रोजेक्ट एल.एल.पी पुणे येथे कंपनीत स्लिपिंग पार्टनर म्हणून कार्यरत असल्याचे सांगितले.
त्याने ही कंपनी आयटी पार्क रियल इस्टेट गोल्ड ट्रेडिंग शेअर मार्केटमध्ये कार्यरत असून कंपनीमध्ये ठराविक रक्कम गुंतवणूक केल्यास परतावा म्हणून १० टक्के मुद्दल व १० टक्के प्रॉफिट असे महिन्याला २० टक्के असे १० महिने स्कीम आहे.
कंपनीमध्ये १०० कोटीच्या आसपास लोकांची गुंतवणूक असून गेले २ वर्ष गुंतवणूकदारांना परतावा देत असल्याचे सांगात विश्वास दिला.
त्यानंतर नीलेश गायकवाड, सिकंदर पठाण, संजय रोकडे व शिवाजी गलिंदे यांनी संगनमत करून त्यांच्याकडून वेळोवेळी १२ लाख २० हजार रुपये रक्कमेची गुंतवणूक करून घेतले.
त्यानंतर कोणत्याही प्रकारचे वरील प्रमाणे परतावा न दिल्याने त्यांनी त्या चौघांकडे परताव्याची वारंवार मागणी केली.
सिकंदर पठाण यांनी त्यांच्या बँक खात्यावर ७ लाख ६० हजार ५१० रुपये जमा केले तर त्यांनी उर्वरित ४ लाख ५ ९ हजार ४९० रुपये मागितले असता त्या चौघांनी देण्यास टाळाटाळ तर केलीच परंतु त्यांनी मोबाईल बंद करुन फसवणूक केल्याचे फिर्यादीत म्हटले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज