महाराष्ट्र हादरला! आषाढी वारी सुरू असताना महिला किर्तनकाराची दगडाने ठेचून हत्या; आश्रमातच…

टीम मंगळवेढा टाईम्स ।

छत्रपती संभाजीनगर येथे एक धक्कादायक घटना उघडकीस आली आहे. महिला किर्तनकाराच्या डोक्यात दगड घालून तिची निर्घृणपणे हत्या करण्यात आल्याचा भयंकर प्रकार घडला आहे.

सध्या महाराष्ट्रात आषाढी वारीचा उत्साह सुरू असताना महिला किर्तनकाराचा खून करण्यात आल्याच्या प्रकाराने परिसरात एकच खळबळ उडाली आहे. या प्रकरणी पोलिसांनी अज्ञात व्यक्तीविरोधात गुन्हा दाखल केला असून पुढील तपास सुरू आहे.

संभाजीनगरच्या वैजापूर गंगापूर रोड येथे असणाऱ्या मोहटादेवी आश्रमामध्ये राहणाऱ्या ह. भ. प. संगीताताई महाराज यांची हत्या करण्यात आल्याची प्राथमिक माहिती समोर येतेय. आश्रमातच संगीताताई महाराज यांच्या डोक्यात दगड घालून त्यांची हत्या करण्यात आली.

या प्रकरणी आरोपी कोण आहे. व ही हत्या का करण्यात आली, याची कोणतीही माहिती समोर आलेली नाही. पोलीस घटनास्थळी दाखल झाले असून पुढील तपास करण्यात येतोय.

हत्येचे कारण अस्पष्ट

हत्या नेमकी का झाली आणि कोणी केली? याचा शोध पोलीस घेत आहेत. मात्र महिला कीर्तनकाराची दगडाने ठेचून हत्या होणे ही अत्यंत गंभीर बाब आहे. या घटनेमुळे छत्रपती संभाजीनगर जिल्ह्यात एकच खळबळ उडाली आहे. आता या प्रकरणात नेमके काय खुलासे होणार? हे पाहणे महात्त्वाचे ठरणार आहे.

गुन्हेगाराचा दोघांवर जीवघेणा हल्ला

दरम्यान, हॉटेलमध्ये जेवण करण्यासाठी गेलेल्या भावंडांनी पार्किंगमध्ये गाडी लावताना बाजूला सरका, असे म्हटल्याच्या रागातून खुनाच्या गुन्ह्यातील कुख्यात आरोपी सौरभ वानखेडेसह तिघांनी त्यांच्यावर जीवघेणा हल्ला चढवला. एकाच्या गळ्यावर कटरने वार करून जिवे मारण्याच्या प्रयत्न केला.

ही घटना सोमवारी (दि.23) रात्री साडेआठच्या सुमारास छत्रपती संभाजीनगरच्या एन 1 भागातील हॉटेल एका हॉटेल समोर घडली आहे. फिर्यादी महेश किशोर वैष्णव हा त्याचा चुलत भाऊ दुर्गेशसोबत सिडको भागातील एका हॉटेलमध्ये जेवण करण्यासाठी गेला होता.

पार्किंगमध्ये गाडी लावत असताना दुर्गेशने तेथे उभ्या अनोळखी तिघांना बाजूला सरका आम्हाला गाडी लावू द्या असे म्हटले. त्यावरुन आरोपींनी दोघांना शिवीगाळ करून बेदम मारहाण सुरु केली. एका आरोपीने तुम्हाला जीवे मारून टाकतो असे म्हणत महेशच्या गळ्यावर कटरने जीवघेणा वार केला.

महेशने हात मध्ये घातल्याने हाताला जखम झाली. यानंतर पुन्हा आरोपीने पवार, पाठीवर वार करून जखमी केले. एमआयडीसी सिडको पोलिसांनी मुख्य आरोपी सौरभ नानासाहेब वानखेडे याला अटक केली आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज