बिरोबा-महालिंगराया गुरु शिष्याची आज हुलजंतीत भेट, लाखो भक्त दाखल; भाविकांच्या माहितीसाठी यात्राशेड उभा

टीम मंगळवेढा टाईम्स ।

हुलजंती ता.मंगळवेढा येथे धनगर समाजाचे आराध्य दैवत व हुनुरचा बिरोबा आणि हुलजातीचा महालिंगराया या गुरु शिष्याची भेट येथील महालिंगरायाच्या मंदिरा पाठीमागील ओढ्यात आज मंगळवार 25 ऑक्टोबर रोजी दुपारी तीन वाजता भेट होणार आहे.

आज हुलजंती येथे आज दीड लाखाहून अधिक भाविक येथे या गुरु शिष्य भेटीसाठी व मुंडास पाहण्यासाठी दाखल झाले आहेत.

या यात्रेसाठी मोठ्या संख्येने कर्नाटक आंध्र प्रदेशातून भाविक खाजगी वाहने तसेच कर्नाटकातील एसटी बस या वाहनाने या ठिकाणी दाखल झाले आहेत.

तर महाराष्ट्र राज्य वतीने सांगली एसटी बस डेपो ने ही या ठिकाणी एस टी महामंडळाची बस थांब्याची सोय केलेली आहे.

प्रत्येक तासाला पंढरपूर मंगळवेढा या भागातून येते बस जात आहे, मात्र मंदिराकडे व गावात खाजगी वाहतुकीस प्रवेश बंदी केल्यामुळे भाविकांचे हाल होत आहे.

सोड्डी फाटा या ठिकाणी पासून दोन ते अडीच किलोमीटर महालिंगरायाचे मंदिर आहे. तसेच गावातील मंदिर आहे. त्यामुळे भाविकांना आज सोड्डी फाट्यावर उतरावे लागत आहे त्यामुळे लहान मुले सोबत आणलेले सामान घेऊन जाण्यासाठी खूप दूर बालकांना कसरत करावी लागत आहे.

रस्त्यावर मोठी गर्दी होत असल्यामुळे पोलीस खात्याने गर्दी व ट्रॅफिक जाम होऊ नये म्हणून नियोजन केले असले तरीही हे नियोजन भाविकांना त्रासदायक ठरत आहे.

मंदिर आणि उतरलेले ठिकाण हे खूप दूर असल्यामुळे त्यांना गावातून वस्तू आणण्यासाठी तसेच पाणी गॅस इतर साहित्य व नैवेद्य तयार करण्यासाठी खूप दूरवरून हेलपाटे मारावी लागत आहेत.

या ठिकाणी भाविकांसाठी श्री दासोहरत्न चक्रवती दानेश्वर आप्पाजी श्री क्षेत्र बंडीगणी तालुका बनहटी जिल्हा बागलकोट कर्नाटक यांनी गेली 42 वर्षापासून या ठिकाणी भाविकांना अन्नदान मोफत अनुदान करीत आहे या ठिकाणी येणाऱ्या भाविकांना तसेच पोलीस कर्मचारी व महसुल कर्मचारी यांचे भोजनाची सोय चांगली झाली आहे.

आज दुपारपर्यंत या गावांमध्ये चार लाख भाविक येण्याची शक्यता आहे, यावर्षी यात्रेचे संपूर्ण नियोजन तत्काळ प्रशासनाधिकारी तहसीलदार स्वप्निल रावडे यांच्याकडे असल्यामुळे सर्व महसूल खात्याचे अधिकारी कर्मचारी यांनी दानपेटी तसेच हॉटेल्स जनरल स्टोअर्स खेळणी यांना दिलेल्या जागा आकारणी महसूल विभाग या ठिकाणी काम करत आहे.

यात्रेसाठी ग्रामपंचायत स्तरावर शिवाजी कुरमुते सरपंच मीनाक्षी ताई कुरमुते ग्रामपंचायत यांनी पूर्णपणे लक्ष ठेवले आहे तसेच यात्रेतील बंदोबस्तासाठी उपविभागीय पोलीस अधिकारी राजश्री पाटील तसेच पोलीस निरीक्षक रणजीत माने हेही ठाण मांडून आहेत या ठिकाणी जिल्हातील विविध तालुक्यातून पोलीस कर्मचारी मोठ्या संख्येने बंदोबस्तासाठी दाखल झालेले आहेत.

मंगळवेढा आगाराने आगाराच्या 11 बसेस तर बाहेरून 31 बसेस मागवून एकूण 42 एस.टी.बसेसचे नियोजन केले आहे. बसस्थानक आवारात भाविकांच्या माहितीसाठी यात्राशेड तसेच हुलजंती येथेही यात्रा शेड उभा करण्यात आले आहे.

दरम्यान यासाठी मंगळवेढा येथे दोन व हुलजंती येथे दोन वाहतुक नियंत्रक व अन्य आठ कर्मचारी नेमले आहेत. यात्रा काळात भाविकांना ने आण करण्यासाठी आगारप्रमुख मधुरा जाधवर व स्थानक प्रमुख गुरूनाथ रणे हे जातीने लक्ष ठेवून आहेत.

या कालावधीत अवैध वाहतुक होवून एस.टी.च्या उत्पन्नावर पाणी पडणार नाही याचीही खबरदारी एस.टी.कर्मचार्‍यांकडून जातीने घेतली जात आहे. सध्या एस.टी.चे दर वाढल्यामुळे मंगळवेढा ते हुलजंती पाच रूपयाने वाढ झाल्याने आता ते 40 रूपये इतके झाले आहे.

दि.24 ते 26 या दरम्यान ही यात्रा भरत आहे. मंगळवेढा पोलिसांकडून यात्रेसाठी डी.वाय.एस.पी.-1, पोलिस निरीक्षक-1, सहाय्यक पोलिस निरीक्षक व पोलिस उपनिरीक्षक-13, पोलिस कर्मचारी-147, दंगा काबु पथक-1, स्टॉकिंग फोर्स-2 असा बंदोबस्त ठेवण्यात आला आहे.