टीम मंगळवेढा टाईम्स ।
मंगळवेढा शहरालागत असलेल्या संत चोखामेळा नगर ग्रामपंचायतीच्या उपसरपंच पदी अमित सुभाष गवळी यांची बिनविरोध निवड करण्यात आली आहे.
जिल्हा मध्यवर्ती बँकेचे व्हा.चेअरमन बबनराव आवताडे यांच्या मार्गदर्शनाखाली व संत चोखामेळा नगर ग्रामपंचायतीच्या सरपंच सौ.इंदुमती हनुमंत माने यांच्या अध्यक्षतेखाली ही बैठक पार पडली.
याआधीचे उपसरपंच अनिता शंभूदेव कदम यांनी त्यांचा एक वर्षाचा कार्यकाल पूर्णझाल्यामुळे त्यांनी पदाचा राजीनामा दिला होता त्यामुळे उपसरपंच पद हे रिक्त झाले होते.
जिल्हाधिकारी मिलिंद शंभरकर व गट विकास अधिकारी सुप्रिया चव्हाण यांच्या आदेशानुसार उपसरपंच पदाची निवड घेण्यात आली.
सदर सभेस ग्रामपंचायत सदस्य सौ.अनिता कदम, राजेंद्र लेंडवे,हिरालाल तांबोळी, संतोष डांगे, सौ.सोनाली नकाते, शिवाजी सलगर, श्रीमती नागरबाई पाटील तसेच पांडुरंग नकाते, उद्योजक सागर माने, विशाल जाधव, पृथ्वीराज कदम यांच्यासह ग्रामपंचायत कर्मचारी व ग्रामस्थ उपस्थित होते.
विकासाकडे प्राधान्याने लक्ष देणार : अमित गवळी
संत चोखामेळा नगर ग्रामपंचायतीच्या विकासाकडे प्राधान्याने लक्ष देऊन सर्वांगिन विकास करणार असल्याचे आश्वासन नूतन उपसरपंच अमित गवळी यांनी सत्काराला उत्तर देताना दिले.
ग्राम विकास अधिकारी जी.एम जगताप यांनी सभेचे कामकाज पाहिले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज