टीम मंगळवेढा टाइम्स ।
चोरलेल्या १४ मोटारसायकलसह २ आरोपीस सांगोला पोलिसांनी घेतले ताब्यात घेतले. ही कारवाई मेडशिंगी ( ता . सांगोला ) येथील आरोपीच्या वस्तीवर केली असून,
मोटारसायकल चोर सत्यवान बजरंग इंगवले (वय २९, रा.मेडशिंगी, ता.सांगोला) व रोहन मारुती गायकवाड (रा.मांजरी (बु .) , हडपसर , पुणे ) या दोन आरोपींना पोलिसांनी ताब्यात घेतले असल्याची माहिती उपविभागीय पोलीस अधिकारी राजश्री पाटील यांनी पत्रकार परिषदेत दिली.
रजनीकांत बापू सूर्यगंध ( रा . वाढेगाव , ता . सांगोला ) यांची मोटारसायकल दि . १० जुलै रोजी सांगोला येथील सोनलकर यांच्या हॉस्पिटल समोरून चोरीस गेली होती.
याबाबत सांगोला पोलीस ठाण्यात गुन्हा दाखल झाला होता. दरम्यान अज्ञात आरोपीचा पोलीस सांगोला परिसरात तपास घेत असताना सत्यवान बजरंग इंगवले हा मोटारसायकल चोऱ्या करीत असल्याची माहिती बातमीदाराकडून मिळाली होती
मिळालेल्या माहितीच्या आधारे सदर आरोपीच्या राहते घरी ( मेडशिंगी ) येथे जाऊन शोध घेतला असता सत्यवान इंगवले हा घरीच होता.
यावेळी पोलिसांनी घराच्या आसपासच्या परिसराचा शोध घेत असताना त्याचे घराशेजारी असलेल्या शेतीच्या बांधालगत लावलेल्या मोटारसायकली दिसून आल्या.
सदर मोटारसायकली बाबत आरोपीकडे विचारणा केली. यावेळी त्याने उडवाउडवीची उत्तरे दिली. पोलिसांनी त्याचे घराजवळ आढळून आलेल्या हिरो पॅशन प्रो २ , हिरो होंडा स्प्लेनंडर १ , शाईन २ ,
होंडा अॅक्टिवा २ , टिव्हीएस ज्युपीटर २ , युनिकॉर्न २ , ड्रीम निवो १ व स्प्लेन्डर प्लस २ अश्या एकूण सुमारे ७ लाख १५ हजार रुपये किंमतीच्या १४ मोटारसायकली ताब्यात घेतल्या आहेत .
सदर गाड्या कोठून चोरल्या याबाबत पोलिसांनी कसून विचारणा केली असता आरोपी सत्यवान इंगवले याने मोटारसायकल चोरण्याकरिता सोबत असलेल्या आरोपी रोहन मारुती गायकवाड (वय २३ , रा . मांजरी ( बु ) , हडपसर , जि . पुणे ) याचे नाव सांगितले असता त्यासही पोलिसांनी ताब्यात घेतले आहे.
पोलिसांनी दोन्ही आरोपीसह ७ लाख १५ हजार किमतीच्या मोटारसायकली ताब्यात घेतल्या आहेत. सदर गुन्ह्याचा तपास पोलीस अधीक्षक तेजस्वी सातपुते, अप्पर पोलीस अधीक्षक हिम्मतराव जाधव साहेब ,
उपविभागीय पोलिस अधिकारी राजश्री पाटील पोलीस निरीक्षक सुहास जगताप यांच्या मार्गदर्शनाखाली पोलीस हेडकॉन्स्टेबल वाघ करीत असून त्यांना शहर बीट व डी.बी. पथकातील सपोनि नागेश यमगर पोहेकॉ काझी , पोना राहुल कोरे , हेंबाडे पाटील व सायबर पोलिस ठाण्याचे अन्वर आतार यांनी मदत करून सदर मुद्देमाल हस्तगत केला.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज