मंगळवेढा टाईम्स न्युज नेटवर्किंग ।
सध्या राज्यात पावसानं दडी मारल्याचं चित्र पाहायला मिळत आहे. ऐन पावसाळ्यात उन्हाळा असल्यासारखी स्थिती जाणवत आहे. निम्म्याहून अधिक महाराष्ट्रात चांगला पाऊस झालेला नाही.
त्यामुळं राज्यातील शेतकऱ्ऱ्यांमध्ये मोठ्या प्रमाणात चिंतेचं वातावरण आहे. सोलापूर जिल्ह्यातील शेतकरी पावसाच्या प्रतिक्षेत आभाळाकडे डोळे लावून बसले आहेत.
अशातच हवामानाचे अभ्यासक पंजाबराव डख यांनी महत्वाची माहिती दिली आहे. पावसाच्या दृष्टीने ऑगस्टचा शेवटचा आठवडा महत्वाचा असल्याचे डखानी सांगितलं आहे.
26 ते 28 ऑगस्टदरम्यान पडणार मुसळधार पाऊस
हवामानाचे अभ्यासक पंजाबराव डख यांनी चांगला पाऊस कधी पडेल याबाबत अंदाज वर्तवला आहे.
डख यांनी दिलेल्या माहितीनुसार, ऑगस्ट महिन्याच्या शेवटच्या आठवड्यात विदर्भात मुसळधार पाऊस पडणार असल्याची माहिती खुद्द पंजाबराव डख यानी दिली आहे.
त्यांनी दिलेल्या माहितीनुसार 26 ऑगस्ट ते 28 ऑगस्टदरम्यान सोलापूर, धुळे, चंद्रपूर, वर्धा, नागपूर भंडारा गोंदिया, चंद्रपूरमध्ये पाऊस पडणार आहे.
त्यानंतर वाशिम हिंगोली अकोला अमरावती बुलढाणा परभणी नांदेड बीड जालना जळगाव जामोद पैठण नेवासा कोपरगाव शिर्डी छत्रपती संभाजीनगर या भागात मुसळधार पाऊस पडणार असल्याची माहिती डखांनी दिली आ हे. स्वाती नक्षत्राचा पाऊस हा मोत्यासारखा असतो असे डख म्हणाले.
सप्टेंबरमध्ये मात्र सर्वदूर मुसळधार पाऊस पडणार
सप्टेंबरमध्ये मात्र सर्वदूर मुसळधार पाऊस पडणार आहे. सप्टेंबरच्या पहिल्या आठवड्यात हा मोठा पाऊस पडणार आहे. तर परतीचा पाऊस देखील मोठ्या प्रमाणात पडणार असल्याची माहिती डखांनी दिली आहे.
ऑक्टोबरमध्ये परतीचा मोठा पाऊस पडले असे पंजाबाराव डख म्हणाले. ऑगस्टमध्ये मात्र भाग बदलत काही ठिकाणी पाऊस पडणार असल्याचे डख म्हणाले. दरम्यान, शेतकरी सध्या चांगल्या पावसाच्या प्रतिक्षेत असल्याचे पाहायला मिळत आहे.
पावसाळा सुरु होऊन अडीच महिन्यांचा कालावधी लोटला तरी पाऊस नाही
दरम्यान, पावसाळा सुरु होऊन साधारण अडीच महिन्यांचा कालावधी लोटला आहे. तरीदेखील राज्याच्या अनेक भागात चांगला पाऊस झालेला नाही. जुलै महिन्यात काही ठिकाणी पावसानं हजेरी लावली होती. मात्र, तो देखील पाऊस मर्यादीत स्वरुपातच होता. त्यानंतर पावसानं चांगलीच दडी मारल्याचं पाहायला मिळत आहे.
पाऊस न पडल्यामुळं अनेक ठिकाणी पिण्याच्या पाण्याचा जनावरांच्या चाऱ्याचा, शेती पिकांच्या पाण्याचा प्रश्न निर्माण झाला आहे. त्यामुळं शेतकरी चितेत आहेत. शेतकरी आभाळाकडे डोळे लावून बसले आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
