टीम मंगळवेढा टाईम्स।
एकीकडे विद्यापीठाच्या परीक्षा विभागाचे गोंधळायण सुरू असून, दुसरीकडे त्याची उस्तवारी सुरू झाली आहे. यात विद्यार्थ्यांना मनस्ताप होत आहे.
एमए उर्दू , बीकॉम द्वितीय वर्षाच्या विद्याथ्र्यांची फेरपरीक्षा आता १७ ऑगस्टला होणार आहे. पुण्यश्लोक अहिल्यादेवी होळकर सोलापूर विद्यापीठावर परीक्षेत झालेली एक एक चूक सुधारण्याची वेळ आली आहे.
अनिवार्य इंग्रजीच्या विषयासाठी बीए २ व बी कॉम २ च्या परीक्षा वेगवेगळ्या दिवशी झाल्या प्रश्नपत्रिका एकच होती. ती आधी बीएच्या विद्यार्थ्यांना दिली होती.
सार्वजनिक झालेली तीच प्रश्नपत्रिका नंतर बीकॉमच्या विद्यार्थ्यांना देण्यात आली. वेगवेगळ्या शाखेच्या समान अनिवार्य विषयाची परीक्षा एकाच दिवशी घेणे अपेक्षित होते. तसे विद्यापीठाने केले नाही.
दुसरीकडे एकाच विषयाची वेगवेगळ्या शाखांसाठी वेगवेगळ्या दिवशी परीक्षा होणार असेल तर, दोन स्वतंत्र प्रश्नपत्रिका तयार एमए उर्दू भाग तीनच्या उर्दू सहाफत आणि एमए उर्दू भाग चारच्या उर्दू तरंजूमानगरी या दोन्हीची फेरपरीक्षा १७ ऑगस्ट रोजी होणार आहे.
विद्यापीठाने एमए उर्दूच्या विद्याथ्र्यांना हस्तलिखित प्रश्नत्रिकेच्या प्रती दिल्या. मूळ हस्तलिखित प्रश्नप्रत्रिकेत बहुपर्यायी प्रश्नांच्या उत्तरांवर असलेल्या खुणा जशाच्या तशा विद्याभ्यांच्या हाती पोहोचल्या. असे दोन विषयाच्या प्रश्नपत्रिकांत झाले.
त्यामुळे या दोन्ही विषयाची फेरपरीक्षा घेण्यात येत आहे. या परीक्षा हॉलतिकिटावर दिलेल्या केंद्रावरच होईल. याची सूचना विद्यापीठाने सोमवारी काढली आहे. विद्यापीठाच्या संकेतस्थळावर याची माहिती दिली आहे.(स्रोत:दिव्य मराठी)
परीक्षा विभागाच्या डझनावर चुका कारवाई मात्र एकाच प्रकरणात
१४ जुलैपासून सुरू असलेल्या पदवी पदव्युत्तर परीक्षामध्ये परीक्षा विभागाकडून डझनापेक्षा जास्त चुका झाल्या. कारवाई मात्र एकाच उर्दू विषयाच्या प्रश्नपत्रिकेबाबत झाली इतर विषयांच्या गलथान कारभाराविषयी जबाबदारी निश्चित झाली ना कारवाई झाली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
