मंगळवेढा टाईम्स न्युज नेटवर्किंग ।
नुसतंच राजकारण करणाऱ्यांच्या मागं जायचं की राजकारणासोबत उद्योगधंदे करून तरुणांना रोजगार मिळवून देणाऱ्यांच्या मागं जायचं, हे लोकांनी ठरवलं पाहिजे. विधानसभेसाठी तेच ते लोक नको आहेत, नवीन नेतृत्व पुढे आलं पाहिजे, त्यामुळे आम्ही सगळ्यांनी ठरवलं आहे,
एकदा अनिल सावंत यांच्या मागे राहून त्यांना आमदार करायचं, अशी भूमिका महाराष्ट्र नवनिर्माण सेनेचे उपनेते तथा विठ्ठल परिवारातील प्रमुख नेते दिलीप धोत्रे यांनी मंगळवेढा येथे बोलताना मांडली. धोत्रे यांच्या या भूमिकेमुळे पंढरपूर-मंगळवेढ्याच्या राजकारणात खळबळ उडाली आहे.
भैरवनाथ उद्योग समूहाचे अध्यक्ष अनिल सावंत यांनी मंगळवेढ्यात दूध व्यवसायाचा शुभारंभ केला, त्याप्रसंगी मनसेनचे धोत्रे बोलत होते. या वेळी रतनचंद शहा बँकेचे अध्यक्ष राहुल शहा, मुझफ्फर काझी, चंद्रशेखर कोंडुभैरी, किसन गवळी, नगरसेवक किरणराज घाडगे, नगरसेवक भैय्यासाहेब कळसे, भैरवनाथ शुगरचे जनरल मॅनेजर बाळासाहेब शिंदे, शेती अधिकारी शिवाजी जाधव उपस्थित होते.
मनसेचे धोत्रे म्हणाले, मतदार संघ पुनर्रचनेनंतर मंगळवेढा आणि पंढरपूर हे दोन स्वतंत्र मतदारसंघ होतील. पण, त्यामध्ये दोन्हीपैकी कुठेही एक ठिकाणी अनिल सावंत यांना आमदार करण्याचे आम्ही सर्वांनी ठरवले आहे.
साखर कारखानदारीच्या माध्यमातून काम करताना त्यांनी ऊस उत्पादकाचे पैसे देताना त्यांच्याकडून थोडं मागं पुढं झालं असेल मात्र कोणाचेही पैसे बुडवण्याचे काम त्यांनी केले नाही, त्यांच्या मागे त्यांचा चुलता खंबीरपणे आहे, असे दिलीप धोत्रे यांनी स्पष्ट केले.
ते म्हणाले, आगामी काळात मंगळवेढा तालुक्यात दूध व्यवसाय वाढण्यासाठी अनिल सावंत यांनी बँकेच्या माध्यमातून गाई खरेदीसाठी मदत केली पाहिजे, तरच दूध वाढणार आहे.
नुसते दूध वाढून चालणार नाही तर मुंबईसारख्या ठिकाणी या दुधाची विक्री करण्यासाठी भैरवनाथ उद्योग समूहाचा साखर उद्योगाबरोबर भैरवनाथ दूध हा स्वतंत्र ब्रँड निर्माण केला पाहिजे.
मंगळवेढ्याचे राजकारण आपण जवळून बघितले आहे. दीड महिना या ठिकाणी मुक्काम केला आहे, त्यामुळे सध्या नवीन नेतृत्व म्हणून अनिल सावंत हे विधानसभेसाठी सक्षम उमेदवार आहेत.
पंढरपुरातील विठ्ठल परिवारातील एका प्रमुख नेत्याने मंगळवेढ्यात येऊन थेट अनिल सावंत यांच्या नावाची विधानसभेसाठी घोषणा केल्यामुळे तालुक्याच्या राजकीय वर्तुळात खळबळ उडाली.
विधानसभेच्या 2024 च्या निवडणुकीत ऐनवेळी राष्ट्रवादी काँग्रेसकडून उमेदवारी घेऊनही त्यांना १० हजार इतकी मते मिळाली. त्या पार्श्वभूमीवर पंढरपुरातील विठ्ठल परिवारातील नेत्याने अनिल सावंत यांची पाठराखण केल्यामुळे आगामी काळात भगीरथ भालके यांची भूमिका काय असणार, याकडे लक्ष लागले. कारण अनिल सावंत व भगीरथ भालके या दोघांनी एकाचवेळी शिवसेनेत प्रवेश केला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
