टीम मंगळवेढा टाईम्स । प्रतिनिधी
मंगळवेढा आगारातील बसची संख्या अपुरी असल्याने प्रवाशांची होत असलेली गैरसोय लक्षात घेऊन भैरवनाथ उद्योग समूहाचे चेअरमन अनिल सावंत यांनी परिवहनमंत्री प्रताप सरनाईक यांच्याकडे पाच नवीन एसटी बसेस उपलब्ध करून देण्याची मागणी केली होती.
त्यांच्या या मागणीला यश आले असून मंगळवेढा आगाराला पाच एसटी बसेस उपलब्ध करून देण्यात आल्या आहेत. याबद्दल अनिल सावंत यांनी परिवहनमंत्री प्रताप सरनाईक यांचे आभार मानले.
परिवहनमंत्री प्रताप सरनाईक हे आषाढी एकादशीच्या नियोजनासाठी १२ जुलै रोजी पंढरपूर येथे आले असता, सावंत यांनी त्यांची प्रत्यक्ष भेट घेऊन मंगळवेढा आगाराच्या समस्यांकडे लक्ष वेधले होते. तसेच याबाबत निवेदनही दिले होते.
मंगळवेढा आगाराच्या कार्यक्षेत्रातील ग्रामीण व शहरी भागातील हजारो नागरिक, विद्यार्थी, शेतकरी, कामगार, महिला, ज्येष्ठ नागरिक तसेच रुग्ण दररोज एसटी बससेवेवर अवलंबून आहेत. मात्र आगारातील एकूण ६० बसेसपैकी बहुतांश बसेस जुन्या झाल्याने त्या वारंवार रस्त्यात बंद पडत होत्या.
परिणामी बसफेऱ्यांना विलंब होणे, काही फेऱ्या रद्द कराव्या लागणे आणि प्रवाशांना तासन्तास प्रतीक्षा करावी लागणे, अशा समस्या निर्माण झाल्या होत्या.
या परिस्थितीचा मोठा परिणाम विद्यार्थ्यांच्या शिक्षणावर होत असून प्रवाशांना मानसिक, आर्थिक व शारीरिक त्रास सहन करावा लागत होता. लांब पल्ल्याच्या मार्गांवर धावणाऱ्या बसेसमध्येही वारंवार तांत्रिक बिघाड होत असल्याने प्रवाशांच्या सुरक्षिततेचा प्रश्न निर्माण झाला होता.
संत दामाजी पंतांची कर्मभूमी असलेल्या मंगळवेढा तालुक्यात धार्मिक, सामाजिक व व्यावसायिक कारणांसाठी तसेच पंढरपूर यात्रेसाठी मोठ्या प्रमाणात प्रवाशांची ये-जा सुरू असते. त्यामुळे आगाराला नवीन, सुरक्षित आणि दर्जेदार बसेसची आवश्यकता असल्याचे सावंत यांनी परिवहनमंत्र्यांच्या निदर्शनास आणून दिले होते.
परिवहन विभागाने या मागणीची दखल घेत मंगळवेढा आगाराला पाच बसेस उपलब्ध करून दिल्याने प्रवाशांना मोठा दिलासा मिळणार आहे. या निर्णयाबद्दल अनिल सावंत यांनी परिवहनमंत्री प्रताप सरनाईक यांचे विशेष आभार मानले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
