विद्यार्थ्यांच्या सोयीसाठी मोठा निर्णय! सोलापूर जिल्हा परिषदेच्या शाळांचा होणार कायापालट; वाचा सविस्तर योजना

टीम मंगळवेढा टाईम्स। सोलापूर

सोलापूर जिल्हा परिषदेच्या प्राथमिक शिक्षण विभागांतर्गत असलेल्या अडीच हजार शाळांचे भौतिक सुविधांच्या उपलब्धतेनुसार वर्गीकरण करण्यात आले आहे. यामध्ये ५७१ शाळा ड श्रेणीत आहेत.

एकही शाळा ड वर्गात राहणार नाही, यासाठी चार महिन्यांत नियोजनबद्ध पद्धतीने काम करावे, असे निर्देश पालकमंत्री जयकुमार गोरे यांनी दिले.

नियोजन समिती सभागृहात शैक्षणिक सुविधा व गुणवत्ता विकास अभियानांतर्गत आयोजित आढावा बैठकीत ते बोलत होते. पालकमंत्री गोरे म्हणाले, सीएसआरच्या माध्यमातून निधी उपलब्ध करून घेण्यासाठीही प्रयत्न करावेत.

गावातील दानशूर व्यक्ती, संस्था व नागरिकांचा सहभाग घेऊन शाळांच्या विकासाला चालना द्यावी.

शाळा सुधारण्यासाठी निधीची कमतरता भासू दिली जाणार नाही. जिल्हा नियोजन समितीमार्फत २५ कोटी रुपयांचा निधी उपलब्ध करून देण्यात आला आहे. निधीची आवश्यकता भासल्यास जिल्हा नियोजन समितीमार्फत अतिरिक्त तरतूद करण्याचा विचार केला जाईल, असेही त्यांनी सांगितले.

सर्वेक्षणातून होणार चार श्रेणींमध्ये वर्गवारी

मुख्य कार्यकारी अधिकारी कुशल जैन यांनी जिल्हा परिषदेच्या शाळांमधील भौतिक सुविधांच्या उपलब्धतेबाबत करण्यात आलेल्या सर्वेक्षणाची माहिती दिली.

या सर्वेक्षणानुसार शाळांची अ, ब, क आणि ड अशा चार श्रेणींमध्ये वर्गवारी करण्यात आली आहे. त्यामध्ये ड श्रेणीतील ५७१, क श्रेणीतील १,०८९, ब श्रेणीतील ९६९ आणि अ श्रेणीतील १३२ शाळांचा समावेश आहे.

‘ड’ वर्गातील शाळांसाठी ६१ कोटींची आवश्यकता

ड श्रेणीतील शाळांमध्ये नवीन वर्गखोल्यांचे बांधकाम व आवश्यक निधी आवश्यक आहे. विद्यार्थिनींसाठी नवीन शौचालये बांधण्यासाठी ५ कोटी २५ लाख, विद्यार्थ्यांसाठी शौचालयांसाठी ५ कोटी ४८ लाख, तर शौचालय दुरुस्तीसाठी १ कोटी ८३ दुरुस्तीसाठी सुमारे ४२ कोटी रुपयांचा लाख रुपयांची आवश्यकता आहे.

तसेच शाळांसाठी संरक्षक भिंत बांधण्यासाठी १ कोटी २० लाख, २७३ शाळांना पाणीपुरवठा करण्यासाठी १ कोटी ६९ लाख रुपये आणि विद्युतीकरणासाठी १ कोटी १९ लाख रुपये अशी एकूण ६१ कोटी रुपयांची आवश्यकता असल्याचे मुख्य कार्यकारी अधिकारी जैन यांनी सांगितले.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज