मोठी बातमी! पोलीस महाभरतीला तात्पुरती स्थगिती, संपूर्ण प्रक्रिया पुढे ढकलली; ‘ही’ अट शिथिल करण्यात येऊ शकते

टीम मंगळवेढा टाईम्स। 

राज्यात शिंदे-फडणवीस सरकार आल्यानंतर हजारो पदांसाठी पोलीस भरती करण्याची घोषणा मंत्री मंडळाच्या बैठकीनंतर उपमुख्यमंत्री देवेंद्र फडणवीस यांनी केली होती.

त्यानुसार कोणत्या जिल्ह्यात किती जागा असतील आणि कोणत्या प्रवर्गाला किती जागा मिळतील याचे निकषही ठरवण्यात आले होते. एक नोव्हेंबरपासून भरती प्रक्रिया सुरु होणार होती.

मात्र आता या भरती प्रक्रियेत विघ्न आल्याची बातमी समोर आली आहे. काही कारणास्तव ही भरती प्रक्रिया पुढे ढकलण्यात आल्याची माहिती मिळाली आहे.

राज्याचे उपमुख्यमंत्री आणि गृहमंत्री देवेंद्र फडणवीस यांच्या उपस्थितीत गृहखात्याची बैठक पार पडली या बैठकीनंतर राज्यातील पोलीस भरतीबाबत महत्वपूर्ण निर्णय घेण्यात आला होता.

14 हजार 956 पदे पोलीस शिपाई पदांची असणार आहेत. राज्यातील सर्वात जास्त जागा ह्या मुंबई पोलिसांत भरल्या जाणार आहेतय. 6 हजार 740 पदे मुंबई तर 720 पदे पुणे शहरात भरली जाणार आहेत.

मात्र या निर्णयाला तात्पुरती स्थिगिती देण्यात आली आहे. मात्र यामध्ये विद्यार्थ्यांनी नाराज होऊन न जाता तयारी सुरु ठेवण्याचं आवाहन करण्यात येत आहे.

राज्य पोलीस मुख्यालयाने 2021 मध्ये रिक्त झालेल्या पदांची आरक्षण निहाय यादी जाहीर केली आहे. रिक्त पदांमध्ये खुल्या प्रवर्गात 05 हजार 468 पदांचा समावेश आहे.

एक नोव्हेंबरपासून पोलीस भरतीच्या प्रक्रियेला गती मिळण्याची शक्यता होती. मात्र आता ही भरती प्रक्रिया पुढे ढकलण्यात आली आहे.

पुढच्या महिन्याच्या पहिल्या आठवड्यापासून या प्रक्रियेला सुरूवात होणार आहे. 3 ते 30 नोव्हेंबर या कालावधीत भरतीसाठी अर्ज स्विकारण्यात येणार आहेत.

यासाठी policerecruitment2022.mahait.org आणि WWW.mahapolice.gov.inया संकेतस्थळावर पोलीस भरतीसाठीची माहिती मिळणार आहे. दरम्यान अर्जदार एकाच विभागात एका पदासाठी एकापेक्षा जास्त आवेदन अर्ज सादर करु शकत नाही. उमेदवाराने चुकीची माहिती दिल्यास, उमेदवारी कोणत्याही टप्प्यावर रद्द करण्यात येईल

वयोमर्यादा शिथिल करण्यात येऊ शकते.

मागील तीन वर्षांमध्ये पोलीस भरती झालेली नव्हती. वयोमर्यादा संपल्यामुळे अनेकजन पोलीस भरतीसाठी पात्र नाहीत. अशा तरुणांना संधी मिळावी, त्यांच्यावर कोणत्याही प्रकारचा अन्याय होऊ नये.

त्यामुळे ही पोलीस भरती थोड्या कालावधीसाठी स्थगित करण्यात आल्याचं समिती आणि सरकारकडून कळतेय. त्यामुळे पुढील आठवड्यात पोलीस भरतीची जाहिरात निघाल्यानंतर वयोमर्यादा शिथिल करण्यात येऊ शकते.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज