टीम मंगळवेढा टाईम्स ।
सोलापूर येथे दोन कारचा भीषण अपघात झाल्याची धक्कादायक घटना घडली आहे.
पेनूरजवळ दोन कारची समोरासमोर धडक झाल्याने सहा जणांचा जागीच मृत्यू झाला आहे. तर तीन जण जखमी झाले आहेत. मोहोळ-पंढरपूर महामार्गावर पेनूर येथील माळी पाटीजवळ हा भीषण अपघात झाला.
मोहोळ तालुक्यातील पेनुर जवळ युनोव्हा व स्कार्पीओ यांचा भीषण अपघात होऊन पती पत्नी डॉक्टरसह त्याची एक मुलगी मयत डॉक्टराच्याच नात्यातीलच अन्य पती पत्नी व त्यांचा मुलगा अशा एकूण सहा जण जागीच मृत झाल्याची घटना आज दुपारी चार वाजण्याच्या दरम्यान घडली .
याबाबत अधिक माहिती अशी की मोहोळ येथील मागील तीन पिढयापासुन वैद्यकिय व्यवसायामध्ये असलेल्या खान कुटुंबियातील श्रीमती डॉ. अफरीन खान ( आतार) (वय 30) त्यांचे पती मुजाहीद ईमाम आतार (वय 35 ),
मुलगा अरमान मुजाहीद आतार (वय 5 ) ,यांचेसह डॉ. अफरीन खान ( आतार ) यांचे भाऊ नातेवाईक कुंटबिय कौंटुबिक कारणानिमीत्त स्वताच्या सॅलोरा ( गाडी नं M. H. 13 DT 8701 या गाडीने बाहेरगावी गेले होते .
आज रविवार रोजी परत ते आपल्या मोहोळ गावी परत येत असताना पेनुरजवळील माळी पाटीजवळ मोहोळहुन पंढरपूरकडे निघालेल्या स्कॉपीओ ( गाडी नं. M.H.13 .D .E.1242 ) या गाडीने
समोरासमोर जोराची धडक दिल्याने कारमधील डॉ. अफरीन खान ( वय 30) त्यांचे पती मुजाहीद आतार त्याचा मुलगा अरमान यांचेसह ईरफान नुरखॉ खान त्यांची पत्नी बेनझीर ईरफान खान मुलगी अनाया ईरफान खान असे सहाजण जागीच ठार झाले.
तर इतर चारजण गंभीर जखमी असुन त्यातील दोघांची प्रकृती चिंताजनक आहे . अनिल हुंडेकरी (वय 35 ) मनीषा मोहोन हुंडेकरी (वय 30 ) रा. गादेगांव ता.पंढरपूर अरहान ईरफान खान ( आतार वय 10 ) रा. मोहोळ
आदीजखमींना पुढील उपचारासाठी सोलापूरला हलविण्यात आले आहे . अपघाताची माहीती पोलीस घेत असुन पुढील कार्यवाही सुरू आहे.(स्रोत:सकाळ)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज