टीम मंगळवेढा टाईम्स।
मंगळवेढा-पंढरपूर मतदार संघात शिवसेनेचा आमदार नसताना देखील या मतदारसंघातून शिवसैनिक स्वखर्चाने माजी मुख्यमंत्री उद्धव ठाकरे यांच्या शिवसेनेच्या दसरा मेळाव्याला चटणी भाकरीच्या सोबतीने उपस्थित झाले.
मंगळवेढा तालुक्यात शिवसेनेचा फारसा प्रभाव नसला तरी शिवसेनेला मानणारा ठराविक मतदार मात्र कायम राहिला आहे.
दरम्यान, दसरा मेळाव्याच्या ठिकाणी जाऊन फोटो काढल्याने तो व्हायरल झाला आहे. यामध्ये निष्ठावंत जुने शिवसैनिक असल्याचे दिसत आहे.
2004 च्या विधानसभा निवडणुकीत शिवसेनेच्या उमेदवाराने दुसऱ्या क्रमांकाची मते घेतली. त्यानंतर मतदार संघाची पुनर्रचना झाल्यामुळे या मतदारसंघातील बरेच गावे इतर मतदारसंघाला जोडले गेले
व मंगळवेढा शहर व ग्रामीण भाग हा पंढरपूरला जोडला सन 2014 च्या विधानसभा निवडणुकीत 45 हजाराच्या आसपास मते घेतली होती.
मतदार संघात शिवसेनेला आमदार मिळवता नाही मात्र शिवसैनिक निर्माण करता आला, मंगळवेढ्यातील बहुचर्चित मंगळवेढा उपसा सिंचन योजना च्या आंदोलनाची धग जनमाणसामध्ये वाढवण्याचे काम शिवसेनेचे तालुकाध्यक्ष येताळा भगत यांनी कागदपत्रासह केले त्यामुळे या आंदोलनाचा वनवा देशभर झाला.
2019 च्या राज्यात महाविकास आघाडीचा प्रयोग करीत मुख्यमंत्री पदाची जबाबदारी उद्धव ठाकरे यांनी स्वीकारले त्या क्षणी कोरोनाचा प्रादुर्भाव राज्यात आला त्यामुळे दोन वर्ष नागरिकांना अनेक संकटाला सामोरे जावे लागले.
परंतु मुख्यमंत्री उद्धव ठाकरे यांनी त्यांची घेतलेली जबाबदारी व नागरिकांना केलेल्या आवाहनाचे मंगळवेढ्यातील जनतेनी तंतोतंत पालन केले.
त्याच काळात मुख्यमंत्री उद्धव ठाकरे नी तत्कालीन स्व.आ.भारत भालके यांना या मतदारसंघाची काळजी घेण्याबाबत केलेले आवाहन सर्वश्रुत आहे त्यामुळे मुख्यमंत्री उद्धव ठाकरे यांच्या बद्दल जनतेमध्ये एक वेगळे असता आहे.
अशा परिस्थितीत दोन महिन्यापूर्वी झालेल्या शिवसेनेतील फुटी नंतर आज दोन स्वतंत्र दसरा मेळावे मुंबई येथे होत आहेत.
याकडे देशाचे लक्ष लागले आहे मंगळवेढा तालुक्यात शिवसेनेचा आमदार नसला तरी तालुक्यातील मंगळवेढा शहर, मरवडे,भोसे, चिकलगी, घरनिकी, गुंजेगाव, मारापुर ,बोराळे या भागातील शिवसैनिक स्वखर्चाने मुंबईला गेले आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
