मंगळवेढा टाईम्स न्युज नेटवर्किंग ।
2020 मध्ये कोरोना व्हायरससारख्या गंभीर विषाणूमुळे संपूर्ण देशभरात भीतीचे वातावरण पसरले होते. यातून सुटका मिळाली आहे. मात्र, आता दिल्ली-एनसीआरमध्ये स्वाईन फ्लूने डोके वर काढले आहे.
स्वाईन फ्लूच्या रुग्णांमध्ये सातत्याने वाढ होत आहे. दिल्लीतील रुग्णांची संख्या २३०८ झाली असून, इन्फ्लूएंझा ए+बी रुग्णांची संख्या ३००० वर पोहोचली आहे.
राजधानी दिल्लीतील गौतम बुद्ध नगर जिल्ह्यात मंगळवारी एकाच दिवसात १०५ नवीन रुग्णांची नोंद झाली, ज्यामुळे रुग्णांच्या संख्येत मोठी वाढ दिसून आली.
राजधानीत मोसमी फ्लू आणि कीटकजन्य आजारांच्या वाढत्या रुग्णसंख्येबाबत, आरोग्य मंत्री डॉ. पंकज कुमार सिंह यांनी आंतरविभागीय आढावा बैठकीनंतर सांगितले की, सर्व रुग्णालये सतर्क आहेत. यावर्षी H1N1 हा प्रमुख उपप्रकार आहे, तर गेल्या वर्षी H3N2 सर्वाधिक प्रचलित होता.
दरम्यान, डेंग्यूचे ५७० आणि मलेरियाचे २१५ रुग्ण आढळले आहेत. असे जरी असले तरी यातील दिलासादायक बाब म्हणजे यावर्षी डेंग्यू किंवा मलेरियामुळे एकही मृत्यू झालेला नाही. आरोग्यमंत्र्यांनी रुग्णालयांची तयारी, औषधे आणि चाचणी सुविधांचा आढावा घेतला.
ते म्हणाले की, तयारी केवळ अहवाल आणि आकडेवारीपुरती मर्यादित नसावी; त्याचा परिणाम प्रत्यक्ष जमिनीवर दिसला पाहिजे. गेल्या आठवड्यात केंद्रीय आरोग्यमंत्री जे. पी. नड्डा यांच्यासोबत झालेल्या बैठकीत केंद्र सरकारने पूर्ण सहकार्याचे आश्वासन दिले आहे.
२४ तासांत रुग्णसंख्येत आठपट वाढ
गौतम बुद्ध नगर जिल्ह्यात केवळ २४ तासांत स्वाइन फ्लूच्या रुग्णांची संख्या आठपटीने वाढून १२० झाली आहे. सोमवारपर्यंत जिल्ह्यात केवळ १५ रुग्ण होते. रुग्णांच्या संख्येत झपाट्याने होणाऱ्या वाढीच्या पार्श्वभूमीवर कडक मार्गदर्शक सूचना जारी करण्यात आल्या आहेत.
असा पसरतो स्वाईन फ्लू…
हवेतील थेंब : बाधित व्यक्तीने खोकताना, शिंकताना किंवा बोलताना बाहेर पडणारे पाण्याचे सूक्ष्म थेंब हवेत पसरतात. हे थेंब निरोगी व्यक्तीने श्वासावाटे आत घेतल्यास संसर्ग होतो.
दूषित पृष्ठभाग : जर एखाद्या बाधित व्यक्तीने आपल्या तोंडाला किंवा नाकाला हात लावून तोच हात दरवाजाचे हँडल, रेलिंग किंवा इतर वस्तूंवर लावला, तर ती वस्तू दूषित होते. अशा वस्तूंना स्पर्श केल्यानंतर निरोगी व्यक्तीने आपला हात डोळे, नाक किंवा तोंडाला लावला तर विषाणू शरीरात प्रवेश करतो.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
