भाजपचा नगराध्यक्ष, उमेदवार नगरपालिकेत पाठवा, मंगळवेढा शहराच्या विकासासाठी मागेल तेवढा निधी भाजप सरकारकडून आणणार; आमदार समाधान आवताडे यांनी दिला जनतेला शब्द

टीम मंगळवेढा टाईम्स। 

मंगळवेढा नगरपालिकेत भाजपचे उमेदवार निवडून पाठवा शहराच्या विकासासाठी मागेल तेवढा निधी भाजप सरकारकडून मिळवून देणार असल्याचा शब्द आमदार समाधान आवताडे यांनी दिला आहे.

ते जोगेश्वरी मंगल कार्यालयात आयोजित भाजप कार्यकर्ता संवाद मेळाव्याप्रसंगी बोलत होते.

यावेळी माजी आमदार प्रशांत परिचारक, भाजप नगराध्यक्ष उमेदवार सुजाता जगताप, प्रांतिक सदस्य राजेंद्र सुरवसे, राष्ट्रवादी काँग्रेसचे नेते अजित जगताप, प्रा.येताळा भगत, अँड.शिवानंद पाटील, माजी नगराध्यक्ष अशोक माळी, औदुंबर वाडेकर आदीजन मोठ्या संख्येने उपस्थित होते.

पुढे बोलताना आमदार आवताडे म्हणाले की, मंगळवेढा शहरातील विकासासाठी भाजप सरकारने मोठ्या प्रमाणात आतापर्यंत निधी दिला आहे. आठवडा बाजार सुशोभीकरण, किल्ल्या भागातील महादेव विहीर, नगरपालिकांच्या शाळा बांधकाम, किल्ला संवर्धन, आठवडा बाजार बाथरूम, नाट्यगृहाचे काम सुरू आहे,

येणाऱ्या काळात महात्मा बसवेश्वर स्मारक, संतसृष्टी, चोखोबा स्मारक त्याचबरोबर पाणी, लाईट, यासंदर्भात अधिक लक्ष केंद्रित करून मार्गी लावण्यासाठी मागेल तेवढा निधी उपलब्ध करून देणार आहे.

महात्मा बसवेश्वर स्मारक, चोखोबा स्मारक झाल्यानंतर येथील तरुणांना मोठ्या प्रमाणात रोजगार मिळणार आहे, बेरोजगार तरुणांच्या हाताला काम मिळणार आहे.

मंगळवेढा शहरातील नागरिकांसाठी शंभर बेडचे हॉस्पिटल मंजूर झाले आहे, बस स्थानकाचे सुशोभीकरण करून नागरिकांची गैरसोय दूर केली आहे, साठेनगर, नागणेवाडी परिसरातील नागरिकांचा झोपडपट्टी भाग आदी भाग त्यांच्या नावावर कायमस्वरूपी करून देण्यासाठी येणाऱ्या काळात प्रयत्न करणार आहे.

प्रत्येक मतदारांच्या गाठीभेटी घेऊन त्यांच्या सोबत संवाद साधून भाजप सरकारने मंगळवेढा शहरात केलेल्या कामाची यादी सांगावी, आपण टिका न करता वस्तुस्थिती जनतेसमोर मांडली पाहिजे असा सल्ला देखील आमदार आवताडे यांनी यावेळी दिला.

माजी आमदार प्रशांत परिचारक बोलताना म्हणाले की, पंढरपूर नगरपालिकेवर भाजपची सत्ता येणार ही काळ्या दगडावरची रेघ असून पंढरपूर जनतेला माहित आहे विकास कोण करत आहे. त्यामुळे तेथील जनता आमच्या सोबत खंबीरपणे उभी राहिली आहे.

मंगळवेढा नगरपालिकेला भाजप सरकारने मोठ्या प्रमाणात निधी दिला आहे येणाऱ्या काळात राहिलेले कामे पूर्ण करण्यासाठी निधी आणून विकास कसा असतो हे मंगळवेढेकर पाहतील.

मंगळवेढा शहरातील सर्वांगीण विकासाच्या संकल्पनांवर या संवादादरम्यान आपल्या सर्वांमध्ये उत्साहाचे वातावरण असून भारतीय जनता पक्षाच्या व महायुतीच्या सर्व उमेदवारांना प्रचंड लोकसमर्थन लाभत आहे. विकासाचा विश्वास आणि पक्षाच्या कार्याचा ठसा जनतेच्या मनात दृढ होत आहे.

त्यामुळे आपण सर्वांनी या निवडणुकीसाठी पूर्णपणे झोकून देत समन्वयाने काम करून विजयाच्या रूपाने यश पदरात पाडून घेणे आवश्यक आहे. त्यासाठी मी व आमदार समाधान आवताडे सर्व पातळ्यांवर आपल्या सर्वांच्या पाठीमागे पूर्णपणे ताकतीनिशी असल्याचे त्यांनी यावेळी आवर्जून सांगितले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज