टीम मंगळवेढा टाईम्स ।
केंद्रीय लोकसेवा आयोगाच्या वतीने फेब्रुवारी २०२२ मध्ये घेतलेल्या भारतीय अभियांत्रिकी सेवेच्या (आयईएस) परीक्षेत मंगळवेढा तालुक्यातील बठाण गावच्या संजय सलगर यांनी यश मिळवले. देशात २० वी रँक मिळवली आहे.
दरम्यान, संजयच्या या यशाबद्दल बठाण ग्रामस्थांच्या वतीने आज सोमवार दि.2 जानेवारी रोजी सायंकाळी 5 वाजता सत्कार समारंभ आयोजित करण्यात आल्याची माहिती सपरंच विजय शिंदे यांनी दिली आहे.
सध्या एनएलसी इंडिया लिमिटेड (पीएसयू, भारत सरकार कोळसा मंत्रालय) मध्ये उप कार्यकारी अभियंता म्हणून तामिळनाडूत कार्यरत आहेत.
यापूर्वी डीआडीओमध्ये रिसर्च फेलो म्हणून काम केले आहे. संजय यांनी गेट परीक्षेत चार वेळा उत्तीर्ण केली आहे.
संजयचे इयत्ता पहिली ते सातवीचे शिक्षण जि. प. प्रा शाळा बठाण येथे झाले असून, आठवी ते १२ वी हे शिक्षण इंग्लिश स्कूल मंगळवेढा येथे झाले.
तर पदवीचे शिक्षण डीवाय पाटील कॉलेज ऑफ इंजिनिअरिंग, कोल्हापूर येथे झाले.
संजयचे आई-वडील अशिक्षित आहेत आई-वडिलांनी अतिशय मेहनतीने घरची कुटुंबाची परिस्थिती बेताची असताना खडतर प्रवास करून संजय सलगर यास शिक्षण दिले आहे.
तर थोरला भाऊ हा भाजीपाला व्यापारी असून थोरल्या भावाच्या सहकार्यामुळे व जिद्दीने इथपर्यंतचा प्रवास केला आहे. यशाबद्दल त्याचे अभिनंदन होत आहे.
आज सोमवार दि.2 जानेवारी रोजी होणाऱ्या सत्कार समारंभास सर्वांनी उपस्थित राहण्याचे आवाहन सरपंच विजय शिंदे व उद्योजक बापूसाहेब सलगर यांनी केले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज