टीम मंगळवेढा टाईम्स ।
श्री.संत दामाजी सहकारी साखर कारखान्याची पंचवार्षिक निवडणूक जाहीर झाली असून सदर निवडणूकीच्या अनुषंगाने श्री.संत दामाजी सह. साखर
कारखाना प्रशासनाने प्रादेशिक सहसंचालक, सोलापूर यांचेकडे प्रारुप मतदारांची यादी दाखल केली आहे.
तदनंतर प्रादेशिक सहसंचालक,सोलापूर यांनी दि.२० एप्रिल २०२२ रोजी सदर प्रारुप मतदार यादी प्रसिध्द केलेली आहे.
सदर यादीमध्ये नांव समाविष्ठ न झालेल्या सभासदांनी येणेबाकी बाबत कारखाना कार्यालयाशी संपर्क साधून सदर येणेबाकी रक्कम दि.२८ एप्रिल २०२२ अखेर भरणा केलेस सदर सभासदांची नांवे प्रादेशिक सहसंचालक तथा निवडणूक निर्णय अधिकारी यांचेकडे सादर केली जातील.
त्यानंतर प्रादेशिक सहसंचालक यांचे
आदेशाने सदर सभासद मतदारांची नांवे अंतीम मतदार यादीत समाविष्ठ होणेबाबत निर्णय होईल अशी माहिती कारखान्याचे प्रभारी कार्यकारी संचालक रमेश गणेशकर यांनी प्रसिध्द पत्रकाद्वारे दिली आहे.
महाराष्ट्र सह.संस्था २७(१०) व कलम ७३(क)अ नियमांच्या बंदपत्रास अधिन राहून कारखाना थकबाकी/येणेबाकी असलेली नांवे प्रारुप मतदार यादीत प्रसिध्द करण्यात आलेली नाहीत.
ज्या सभासदांना आपले नांव मतदार यादीमध्ये समाविष्ठ करुन घ्यावयाचे आहे त्यांनी प्रथमतः आपल्याकडील येणेबाकी भरणा करुन घ्यावी.
जे सभासद दि.२८ एप्रिल २०२२ अखेर आपली येणेबाकी पुर्णपणे भरणा करतील अशा सभासदांची नांवे प्रादेशिक सहसंचालक,सोलापूर तथा निवडणूक निर्णय अधिकारी यांचेकडे सादर करण्यात येतील.
त्यानंतर संबंधीत निवडणूक निर्णय अधिकारी येणेबाकी संदर्भात असणारा निकष पुर्ण करणाऱ्या सभासदांचे नांवे मतदार यादीमध्ये समाविष्ठ होणेबाबत निर्णय घेतील असे प्र.कार्यकारी संचालक रमेश गणेशकर यांनी सांगितले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज