भारताची रणनीती आणि देशवासियांच्या भावनांचा हुंकार; ऑपरेशन सिंदूर नावाची गोष्ट नेमकी काय?

मंगळवेढा टाईम्स न्युज नेटवर्क। 

पहलगाम हल्ल्याचा बदला घेण्यासाठी भारतानं केलेला एअरस्ट्राईक जितका लक्षवेधी होता, तितकंच लक्षवेधी होतं या मोहिमेचं नाव… ऑपरेशन सिंदूर. 26 महिलांचं कुंकू पुसणाऱ्या दहशतवाद्यांचा बदला घेणाऱ्या या मोहिमेला ऑपरेशन सिंदूर हे नाव देण्याची कल्पना पंतप्रधान नरेंद्र मोदींची.

भारताची रणनीती आणि देशवासियांची भावना यांचा मिलाफ साधणाऱ्या ‘ऑपरेशन सिंदूर’च्या नावाची ही गोष्ट.

ऑपरेशन सिंदूर… पहलगाम दहशतवादी हल्ल्याच्या जखमा, वेदना आणि बदला या तिन्ही गोष्टींचा सार सांगणारे दोन शब्द. ऑपरेशन सिंदूर…

पहलगाममध्ये जीव गमावलेल्या निष्पाप पर्यटकांच्या रक्ताचा भारतीय लष्करानं घेतलेला सूड. ऑपरेशन सिंदूर.. भारतविरोधी कारवाया खपवून घेतल्या जाणार नाहीत, याचा पाकिस्तानला मिळालेला आणखी एक धडा…

पाकिस्तान आणि पाकव्याप्त काश्मीर भागातल्या नऊ दहशतवादी तळांना उद्ध्वस्त करणारं भारताचं हे महत्त्वाकांक्षी ऑपरेशन. या कारवाईसाठी ‘ऑपरेशन सिंदूर’ हे नाव सुचवलं पंतप्रधान नरेंद्र मोदी यांनी.

कारवाईनंतर नावाच्या तपशिलाची गरज नाही

पहलगाममध्ये दहशतवाद्यांनी केवळ पुरुषांना टार्गेट करून हल्ला केला होता. पहलगाममध्ये 26 महिलांचं कुंकू पुसल्याचा बदला बुधवारी पहाटे भारतीय लष्करानं घेतला. या कारवाईचं नाव ऑपरेशन सिंदूर असल्याचं जेव्हा मृतांच्या नातेवाईकांना समजलं, तेव्हा त्यांना इतर तपशीलांची गरजच उरली नाही.

पहलगाम हल्ल्यात मृत झालेल्या संजय लेले यांचा मुलगा, हर्षद लेले यावर प्रतिक्रिया देताना म्हणाला की, ऑपरेशन सिंदूर हे नाव योग्य दिल आहे. हिंदू संस्कृतीमध्ये जेव्हा कोणत्या पुरुषाचं निधन होतं तेव्हा त्या पुरुषाची बायको कपाळावर कुंकू लावत नाही. जे लोक मृत पावले त्यांच्यासाठी हे सिम्बॉलिक नाव आहे. आमच्या कुटुंबाचे दुःख पूर्णपणे जाणार नाही. थोडं समाधान आहे की जे गेले त्यांचा बदला घेतला गेला.

देशवासियांच्या भावनांचा हुंकार

ऑपरेशन सिंदूर हे दोन शब्द 22 एप्रिल ते 7 मे या 15 दिवसांचा सगळा घटनाक्रम त्यातील भावनांसह सांगणारे ठरले. ‘ऑपरेशन’ शब्दात देशाची रणनिती होती. तर सिंदूर शब्दात देशवासियांच्या भावनांचे हुंकार होते.

अर्थात, या ऑपरेशनचं नाव जितकं समर्पक होतं, तितकीच हवाई दलानं केलेली कारवाईदेखील मोठी होती. त्यामुळं सर्वपक्षीयांनी या ऑपरेशननंतर लष्कराला मानाचा मुजरा केला.

नावात काय आहे, हा शेक्सपियरचा प्रश्न वर्षानुवर्षं विचारला जातो. पण नावात बरंच काही आहे, हे ऑपरेशन सिंदूरनं सिद्ध करून दाखवलंय. आज प्रत्येक भारतीय अभिमानानं फक्त एवढंच म्हणतोय.. ऑपरेशन सिंदूर… बस ‘नाम’ ही काफी है.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज