टीम मंगळवेढा टाईम्स / प्रतिनिधी
जम्मू-काश्मीरमधील श्रीनगर येथे देशसेवेचे कर्तव्य बजावत असताना १५ कोअर ओपी सिग्नल रेजिमेंटचे जवान वैभव तात्यासो आवताडे (रा. गणेशवाडी, ता. मंगळवेढा) यांना काल शुक्रवारी वीरमरण आले आहे.
त्यांच्या निधनाची बातमी समोर येताच संपूर्ण मंगळवेढा तालुक्यासह गणेशवाडी गावावर शोककळा पसरली आहे.
जिल्हा सैनिक कार्यालय प्रमुख आप्पासाहेब कोडक यांनी यासंदर्भातील अधिकृत माहिती दिली आहे.
पहाटे पार्थिव मूळ गावी पोहोचणार
शहीद जवान वैभव आवताडे यांचे पार्थिव आज रात्री १२:३० वाजता विमानदलाच्या विशेष विमानाने पुणे विमानतळावर आणले जाणार आहे. तेथून लष्करी सन्मानात पार्थिव त्यांचे मूळ गाव गणेशवाडी येथे आणण्यात येईल. उद्या सकाळी लष्करी इतमामात त्यांच्यावर अंत्यसंस्कार केले जातील.
”गणेशवाडीच्या या वीरपुत्राने देशाच्या सुरक्षेसाठी आपले प्राण पणाला लावले. त्यांचा हा त्याग मंगळवेढा तालुका कधीही विसरणार नाही.”
मान्यवरांकडून भावपूर्ण श्रद्धांजली
जवान वैभव आवताडे यांच्या बलिदानाबद्दल लोकप्रतिनिधी आणि प्रशासकीय अधिकाऱ्यांनी तीव्र दुःख व्यक्त केले आहे:
आमदार समाधान आवताडे, सभापती दीपाली आनंद ताड, तहसीलदार मदन जाधव, पोलीस निरीक्षक दत्तात्रय बोरीगिड्डे, जिल्हा परिषद सदस्या करुणा शिवशरण या सर्वांनी शहीद जवान वैभव आवताडे यांना भावपूर्ण श्रद्धांजली अर्पण करून आवताडे कुटुंबाच्या दुःखात सहभागी असल्याचे व्यक्त केले आहे.
मातृभूमीच्या रक्षणासाठी प्राणांचे बलिदान देणाऱ्या वीर जवान वैभव तात्यासो आवताडे यांना भावपूर्ण श्रद्धांजली! अमर रहे, अमर रहे, शहीद वैभव आवताडे अमर रहे!
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
