टीम मंगळवेढा टाईम्स ।
मंगळवेढा शहरातील मा.बबनराव आवताडे नागरी बिगरशेती सहकारी पतसंस्थेचा आज दि.24 ऑक्टोबर रोजी सकाळी 10 वाजता स्थलांतरित सोहळा व सत्यनारायण पूजा संपन्न होणार असल्याची माहिती चेअरमन चंद्रकांत पडवळे यांनी दिली आहे.
होनमाने गल्ली आयसीआयसीआय बँके शेजारी, शिर्के मल्टीस्पेशालिटी हॉस्पिटल समोर नव्या इमारती मध्ये स्थलांतरित केले जाणार असून या सोहळ्यास सर्वानी उपस्थिती राहावे असे आवाहन व्यवस्थापक संजय भुसे यांनी केले आहे.
लोकाभिमुख आर्थिक संस्था- बबनराव आवताडे सह. पतसंस्था
मंगळवेढ्याच्या आध्यात्मिक संस्कृतीला मंगळवेढ्याचा धार्मिक संतांचे योगदान आहे. धार्मिक नगरी बरोबरच मंगळवेढा शिक्षण आणि सहकार यांचा इतिहास असलेली ही संतांची पुण्यनगरी या नगरीला अनेकांचे विकासाला हातभार लागले आणि मंगळवेढ्याचा विकासाचा रथ पैलतीरी चालतो आहे अशाच या विकास नगरीला अर्थकारणाचे अनेक सार्थ झाले या सारथी मध्ये एका सामान्य कुटुंबाचा देखील हातभार लागला.
सन २००० साली पतसंस्थेची स्थापना
असे कुटुंब म्हणजे काही कै. यल्लाप्पा पडवळे व त्यांचे तीन सुपुत्र स्व.यल्लाप्पा पडवळे यांनी धार्मिक ते बरोबर, समाजकारण, अर्थकारण, सहकार आणि त्याचबरोबर कुस्ती क्षेत्रामध्ये तालुक्याच्या इतिहासामध्ये आपले नाव अधोरेखित केले तसेच कुस्ती क्षेत्रात पै. नंदकुमार पडवळे यांचा असलेला दब दबा फडा फडात गाजत असतानाच मंगळाच्या अर्थकारणात आपल्या सामान्य आणि बहुजन कष्टकरी आणि शेतकऱ्यांना आर्थिक हातभार लावण्याच्या दृष्टीने सन २००० साली पतसंस्थेची स्थापना केली.
मंगळवेढा मध्ये पूर्ववत असलेल्या अनेक आर्थिक संस्था वेगवेगळ्या संतांच्या नावे होत्या काही राजकीय नेत्यांच्या नावे होत्या मात्र पडवळे कुटुंबाची असलेली राजकीय निष्ठा व स्नेहाचे कौटुंबिक संबंध विचार करून या आर्थिक संस्थेला आवर्जून आणि विचारपूर्वक बबनराव आवताडे हे नाव देण्याचे निश्चित झाले कारण बबनराव आवताडे हे सहकार आणि अर्थकारणातील जिल्ह्यातील अग्रगण्य नाव आहे.
२४००० एवढ्या तुटपुंज्या भाग भांडवलावर सुरू झालेली पतसंस्था
सहकारातील अनेक संस्था चालवण्याची हातोटी ज्या नावामध्ये आहे तेच नाव स्व. पै. नंदकुमार पडवळे व त्यांच्या कुटुंबाने आणि सहकाऱ्यांनी देण्याचे निश्चित झाले. आणि मुरलीधर चौकात एका छोट्याशा चार खण जागेत या पतसंस्थेची सुरवात झाली स्वनिधी केवळ २४००० एवढ्या तुटपुंज्या भाग भांडवलावर सुरू झालेली पतसंस्था चालू झाली दुर्दैवाने पै. नंदकुमार पडवळे यांचे आकस्मिक निधन झाल्यानंतर या छोट्याशा असलेल्या पतसंस्थेचे स्थलांतर राजहंस चौकात लक्ष्मीनारायण मर्दा यांच्या सहा खन जागेत सन २००६ ला स्थलांतर झाली आणि या संस्थेच्या चेअरमन पदाची जबाबदारी चंद्रकांत पडवळे यांच्यावर आली.
व्यवस्थापक म्हणून संजय भुसे यांच्याकडे कारभार, पतसंस्थेला उभारी देण्याचा प्रयत्न
बरीच वर्षे तोट्यात चाललेली पतसंस्था २०११ साली सावरू लागली. या पतसंस्थे साठी तालुक्यातील सहकार नेते बबनराव आवताडे, विष्णुपंत आवताडे यांनी या पतसंस्थेत सर्व दृष्टीने सावरण्यास प्रयत्न केले. तसेच आ. समाधान अवताडे यांनी आपल्या उद्योग क्षेत्रात या संस्थेला न्याय देण्याचा प्रयत्न केला. उद्योगपती संजय आवताडे यांनी या पतसंस्थेसाठी आर्थिक हातभार लावला आणि या पतसंस्थेचे व्यवस्थापक म्हणून संजय मारुती भुसे यांनी २०११ साली या संस्थेचा कारभार हाती घेऊन या पतसंस्थेला उभारी देण्याचा प्रयत्न केला.
तोट्यात चाललेली पतसंस्था आज अ वर्ग मध्ये
अवताडे कुटुंबातील सर्वच मंडळींनी या पतसंस्थेसाठी मार्गदर्शन करून प्रत्येक मासिक सभेमध्ये आर्थिक पत्रके तपासणी करून संचालक मंडळ व व्यवस्थापक यांना वेळोवेळी सहकार्य केले त्यामुळेच या पतसंस्थेला उभारी आली. उभारी आली तोट्यात चाललेली पतसंस्था आज अ वर्ग मध्ये चालत असून चेअरमन चंद्रकांत पडवळे व सुरुवात झाली स्वनिधी केवळ व्यवस्थापक संजय भुसे यांच्या कुशल कर्तृत्वामुळे नफ्यात आली एवढेच नव्हे तर मरवडे शाखेचे शाखाधिकारी नागेश कोंडूभैरी व माचणूर शाखेचे शाखाधिकारी अविनाश जाधव असून या छोटया पतसंस्थेने दामाजी सहकारी साखर कारखाना सारख्या मोठ्या आर्थिक संस्थेला कर्जपुरवठा केला.
६३२ सभासदांची व ८००० ठेवीदारांची ही पतसंस्था आज २५ कोटीच्या ठेवी पार
अनेक वाहने ट्रक, ट्रॅक्टर, कार, छोटी चार चाकी वाहने आणि मोटरसायकली यासारख्याना अर्थ पुरवठा करून केवळ ६३२ सभासदांची व ८००० ठेवीदारांची ही पतसंस्था आज २५ कोटीच्या ठेवी पार करू लागली आहे.
चेअरमन चंद्रकांत पडवळे यांच्या कुशल नेतृत्वाने बँक नफ्यात
आज या पतसंस्थेचे स्व भांडवल ४:३० कोटी असून २० कोटीचा कर्जपुरवठा करून ही पतसंस्था चेअरमन चंद्रकांत पडवळे यांच्या कुशल नेतृत्वाने नफ्यात चालत आहे
चेअरमन चंद्रकांत पडवळ यांनी मा. बबनराव आवताडे यांच्या सल्ल्याने व विष्णुपंत आवताडे यांच्या सहकार्याने व मा. आ. समाधान आवताडे व उद्योगपती संजय आवताडे यांच्या सहकार्याने होनमाने गल्ली येथे १३०० चौ. फूट जागेमध्ये तीन मजली इमारत बांधकाम पूर्ण केलेले असून आज दसऱ्याच्या शुभ मुहूर्तावर गेल्या २० वर्षापासून छोट्याशा जागेत चालवलेली शी पतसंस्था तीन मजली सुसज्ज सुविधा असलेल्या जागेमध्ये ही पतसंस्था स्थलांतरित होत आहे ही पतसंस्था मंगळवेढा च्या अर्थकारणातील प्रमुख भागीदार ठरेल अशी सर्व ठेवीदार, कर्जदार सभासद व हितचिंतक यांचे सार्थ अपेक्षा आहे.- भीमराव मोरे मो. ९८९०१११२२७
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज