टीम मंगळवेढा टाईम्स ।
मंगळवेढा तालुक्यातील खुपसंगी येथून एक ३५ वर्षीय विवाहित महिला राहत्या घरातून बेपत्ता झाली असून, या प्रकरणी तिच्या पतीने मंगळवेढा पोलिसात तक्रार नोंदविली आहे. दरम्यान त्या बेपत्ता महिलेचा शोध पोलीस पथक घेत आहे.
या घटनेची हकीकत अशी की, यातील खबर देणारे बेपत्ता महिलेची पती सकाळी ९ वाजता कामाला गेले होते तर, खबर देणार्याची आई शेतात गेली होती.
या वेळी घरात केवळ खबर देणार्याची पत्नी स्वयंपाक करीत होती. खबर देणारे हे सायंकाळी ६ वाजता कामावरून घरी आल्यानंतर पत्नी दिसली नाही.
म्हणून त्यांनी आईला विचारले पत्नी कुठे आहे, यावर आईने ही मला माहीत नसल्याचे सांगितले.
तदनंतर कुटुंबातील सर्व सदस्यांनी बेपत्ता पत्नी ची वाट पाहिली. गावात, शेतात, नातेवाईकांकडे सर्वत्र शोध घेतला, परंतु ती मिळून आली नाही.
तिचे वर्णन :- रंग सावळा, चेहरा गोल, अंगाने मध्यम, नाक सरळ, उंची ०५ फूट ०८ इंच, अंगात नेसणेस लाल साडी, लाल ब्लाऊज असून
या वर्णनाची स्त्री कोणाच्या निदर्शनास आल्यास त्यांनी मंगळवेढा पोलिसांशी संपर्क साधावा. असे आव्हान पोलीस प्रशासनाने केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज