सातारा । टीम मंगळवेढा टाईम्स । सातारा शहरातील एका डॉक्टरला हनिट्रॅपच्या जाळ्यात ओढणाऱ्या दोन संशयित महिलांना तपासासाठी पुण्याला घेऊन पोलीस रवाना झाले आहेत. या महिलांनी कोथरूड परिसरामध्येही अनेकांना अशा प्रकारे गंडा घालून लाखो रुपये उकळल्याचे तपासात समोर येत आहे. फोन करून त्या बड्या व्यक्तींना जाळ्यात ओढायच्या.
प्राची उर्फ श्रद्धा अनिल गायकवाड व पूनम संजय पाटील (दोघीही रा. सोमवार पेठ, सातारा, मूळ रा. कोथरूड, पुणे मूळ गाव : मंगळवेढा तालुक्यातील आसबेवाडी) या दोघींनी साताऱ्यातील एका प्रसिद्ध डॉक्टरला जाळ्यात ओढून त्यांच्याकडून तब्बल १२ लाखांची खंडणी उकळल्याचे समोर आले.
रविवारी दिवसभर पोलिसांनी त्यांच्या घरामध्ये झडती घेतली. त्या वेळी काही कागदपत्रे पोलिसांना आढळून आली आहेत. या दोघींच्या चौकशीमध्ये त्यांनी पुण्यामध्येही असे प्रकार केल्याचे पोलिसांना समजल्यानंतर रविवारी सायंकाळी या दोघींना घेऊन पोलीस पुण्याला रवाना झाले.
या दोघींचे कारनामे रविवारी प्रसारमाध्यमातून प्रसिद्ध झाल्यानंतर शाहूपुरी पोलिसांना अनेकांचे फोन आले. या महिलांनी कशा प्रकारे लोकांना गंडा घातला आहे, याची माहिती दिली जात होती.
मात्र ‘आमचे नाव गोपनीय ठेवा,’ अशी विनंतीही संबंधित लोकांनी पोलिसांकडे केली आहे. अनेकांकडून त्यांनी दहा ते पंधरा लाख रुपये उकळल्याचे बोलले जात आहे.
अनेक बड्या व्यक्तींचे नंबर
या महिलांच्या मोबाइलमध्ये अनेक बड्या हस्तींचे नंबर सेव्ह असून त्यामध्ये सातारा आणि पुण्यातील उद्योजक, महाविद्यालयीन युवक, डॉक्टर अशा लोकांचा समावेश आहे. या नंबरच्या आधारे पोलीस आता संबंधित व्यक्तींपर्यंत पोहोचणार असून, ज्यांना या महिलांनी हनिट्रॅपच्या जाळ्यात ओढले त्यांना पोलीस स्वत:हून तक्रार देण्यास प्रवृत्त करणार आहेत.
नणंद-भावजय नव्हे, त्या तर मैत्रिणी श्रद्धा गायकवाड आणि पूनम पाटील या दोघी नणंद-भावजय आणि जोगतीन असल्याचे सांगत होत्या. मात्र, तपासात त्यांनी आपण नणंद-भावजय व जोगतीन नसून मैत्रिणी आहोत, अशी पोलिसांकडे कबुली दिली.
या दोघी मूळच्या सोलापूर जिल्ह्यातील मंगळवेढा तालुक्यातील आसबेवाडी या गावातील आहेत. मात्र, गत अनेक वर्षांपासून या दोघी पुणे, सातारा, सोलापूर अशा विविध ठिकाणी भाड्याने खोली घेऊन राहत होत्या. त्या ठिकाणी सावज हेरून काम फत्ते झाल्यानंतर त्या ते शहर सोडून दुसऱ्या शहरात वास्तव्यास जात होत्या. या दोघीही पतीपासून विभक्त झाल्या आहेत.
१० वर्षांत तक्रारदार आला नाही पुढे
या महिलांनी दहा वर्षांपासून पुणे आणि साताºयामध्ये हनिट्रॅपचे जाळे तयार केले असून, यामध्ये अनेक जण अडकले असल्याची धक्कादायक माहिती पोलिसांच्या प्राथमिक तपासात निष्पन्न झाली आहे. मात्र इतक्या वर्षांत एकही तक्रारदार पुढे आला नाही. त्यामुळे या महिलांचे धारिष्ट्य अधिकच वाढले.
_______________
अश्लील क्लिप व्हायरल करण्याची धमकी देत एका डॉक्टराकडून तब्बल ६० लाखांची मागणी करून त्यातील १२ लाख रुपयांची खंडणी उकळणाऱ्या दोन महिलांना शाहूपुरी पोलिसांनी अटक केली. या प्रकारामुळे खळबळ उडाली आहे.
श्रद्धा उर्फ प्राची अनिल गायकवाड, निकिता पाटील (रा. सोमवार पेठ, सातारा) अशी अटक केलेल्या महिलांची नावे आहेत तर पूनम पाटील ही महिला पसार झाली आहे. याबाबत पोलिसांनी दिलेली माहिती अशी की साताऱ्यातील एका ४६ वर्षीय डॉक्टरची संबंधित तीन महिलांपैकी एका महिलेची ओळख होती.
या ओळखीतून दोघांमध्ये घनिष्ठ संबंध निर्माण झाले होते. या संबंधाची व्हिडीओ क्लिप आणि फोटो संबंधित महिलेने स्वतःच्या मोबाईलमध्ये रेकॉर्ड केले होते.या व्हिडिओचा आधार घेऊन या तिन्ही महिला संबंधित डॉक्टरला ब्लॅकमेल करू लागल्या.गत दोन महिन्यांपासून हा प्रकार सुरू होता.
डॉक्टरांकडून तब्बल ६० लाखाची खंडणीची मागणी त्यांनी केली होती. जर हे पैसे दिले नाही तर पोलीस ठाण्यात तक्रार करेन आणि हॉस्पिटलवर मोर्चा आणून बदनामी करीन, अशी धमकी या महिलांनी संबंधित डॉक्टरला दिली होती.त्यामुळे भीतीपोटी डॉक्टरने १२ लाख ५ हजार रुपये दिले.
उर्वरित ४८ लाखासाठी संबंधित महिला डॉक्टरला त्रास देऊ लागल्या. त्यामुळे या त्यांच्या त्रासाला कंटाळून संबंधित डॉक्टराने शाहूपुरी पोलीस ठाण्यात धाव घेऊन तक्रार दाखल केली.
सहायक पोलीस निरीक्षक विशाल वायकर यांनी या प्रकारची तत्काळ दखल घेऊन संबंधित महिलांना पकडण्यासाठी सापळा लावला.या सगळ्यांमध्ये दोन्ही महिला अलगद अडकल्या असून,त्यांच्याकडे पोलीस कसून चौकशी करत आहेत.
Mangalwedha Two women robbed many of millions; The big racket will be exposed
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज