टीम मंगळवेढा टाईम्स (विशेष प्रतिनिधी):
एका ६५ वर्षीय ज्येष्ठ महिलेचा विनयभंग केल्याप्रकरणी आरोपी शंकर उर्फ दादा बुरजे (रा. कुंभार गल्ली, मंगळवेढा) याला मंगळवेढा न्यायालयाच्या न्यायाधीश वृषाली पाटील यांनी दोषी ठरवत ३ वर्षे सश्रम कारावास आणि १० हजार रुपये दंडाची कठोर शिक्षा सुनावली आहे. दंड न भरल्यास अतिरिक्त कारावास भोगावा लागणार आहे.
📌 नेमकी घटना काय?
दिनांक: १४ मार्च २०१९ (रात्री ११ वाजता)
पीडित ६५ वर्षीय महिला आपल्या घरासमोर बसली असताना आरोपी शंकर बुरजे तेथे आला. “तुझा मुलगा भांडण करतो काय? त्याला लय मस्ती आली आहे,” असे म्हणत त्याने खालच्या पातळीवर शिवीगाळ केली.
त्यानंतर महिलेच्या अंगावर धावून जात, साडीचा पदर ओढून विनयभंग केला. याप्रकरणी तात्कालीन पोलिस उपनिरीक्षक दत्तात्रय पुजारी यांनी तपास करून न्यायालयात दोषारोपपत्र दाखल केले होते.
न्यायालयात खडाजंगी; सरकारी वकीलांचा प्रभावी युक्तीवाद
बचाव पक्षाचा दावा: आरोपी समाजसेवक असून त्याला मोठी राजकीय पार्श्वभूमी आहे, कुटुंब प्रतिष्ठित आहे. त्यामुळे त्याची निर्दोष मुक्तता करावी, असा युक्तीवाद ॲड. उल्हास माने यांनी केला.
सरकारी पक्षाचा सडेतोड उत्तर: सरकारी वकील धनंजय बनसोडे, ॲड. अमोल क्षीरसागर व स्वप्नील अभंग यांनी जोरदार युक्तीवाद करत मांडले —
”आरोपी राजकीय किंवा सामाजिक पार्श्वभूमीचा आहे म्हणून त्याला कमी शिक्षा दिली तर समाजात वाईट संदेश जाईल. अशा गंभीर गुन्ह्यात राजकीय व सामाजिक गोष्टींचा विचार न करता कठोर शिक्षा मिळणे आवश्यक आहे, जेणेकरून गुन्हेगारांना योग्य धडा मिळेल.
न्यायालयाने दोन्ही बाजूंचा युक्तीवाद, साक्षीदार आणि तपासातील पुरावे ग्राह्य धरून आरोपीला दोषी ठरवून ही शिक्षा सुनावली.
कायदेशीर मदत व पैरवी:
या प्रकरणात पैरवी अधिकारी म्हणून पोलीस हवालदार पी. एम. वाघमारे व ऑर्डरली पोलीस अंमलदार ए. बी. बाबर यांनी मोलाचे परिश्रम घेतले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
