टीम मंगळवेढा टाईम्स ।
मंगळवेढा शहरातील बोराळे नाका परिसरातील एका हॉस्पीटलमध्ये कार्यरत असलेली 25 वर्षीय सिस्टर आत्याचा अपघात झाला असे सांगून एक महिन्याचा पगार घेवून बेपत्ता झाली असल्याची तक्रार तीच्या आईने मंगळवेढा पोलिसात केल्याने पोलिस त्या सिस्टरचा शोध घेत आहेत.
पोलिस सुत्रांकडून मिळालेली माहिती अशी,दि.26 रोजी सकाळी 7.30 वा. बेगमपूर येथून यातील सिस्टर हिने पॅरामेडिकलचा पेपर आहे मला लवकर जावे लागेल.
पेपर संपल्यावर मी हॉस्पीटलध्ये काम करून संध्याकाळी येते असे सांगून घरातून बाहेर पडली.दरम्यान सायंकाळी 5.00 वा.सदर बेपत्ता मुलीच्या आईने मोबाईलवर कॉल करून घरी किती वाजता येणार आहे.
याबाबत चौकशी केली असता मी रात्री 8.00 वा. काम संपल्यावर येणार असल्याचे सांगितले.रात्री 9.00 पर्यंत कुटुंबातील सदस्यांनी वाट पाहिली मात्र सदर मुलगी घरी न परतल्याने आई वडीलांनी त्या हॉस्पीटलमध्ये येवून चौकशी केली असता आत्याचा अपघात झाला आहे.
असे म्हणून तीने महिन्याचा पगार घेवून निघून गेली असल्याचे हॉस्पीटलकडून सांगण्यात आल्याचे खबरी जबाबात म्हटले आहे.
तीचे वर्णन- अंगाने जाड,रंग सावळा,चेहरा गोल,नाक सरळ,उंची 4.5 फुट,अंगात काळया रंगाचा चुडीदार आहे. सदर वर्णनाची मुलगी कोणाच्या निदर्शनास आल्यास मंगळवेढा पोलिसांशी संपर्क साधावा असे आवाहन करण्यात आले आहे.
मंगळवेढा शहरातून विवाहिता बेपत्ता
मंगळवेढा शहरातील शनिवार पेठेतून २६ वर्षीय विवाहित महिला रागाच्या भरात कोणालाही न सांगता निघून गेली असल्याचे तीच्या पतीने पोलिसात तक्रार दाखल केली आहे.
दरम्यान पोलिस त्या बेपत्ता विवाहित महिलेचा शोध घेत आहेत. पोलिसांकडून मिळालेली माहिती अशी , दि . २६ रोजी सायंकाळी ५.०० वा . विवाहिता घरातून रागाच्या भरात कोणास न सांगता निघून गेली आहे.
रात्री ८.०० पर्यंत पत्नी घरी येईल याची पतीला अपेक्षा असल्याने वाट पाहिली मात्र ती घरी न आल्याने सासुरवाडी घेरडी वाकी येथे विचारणा केली असता ती आली नसल्याने कळविल्याने बेपत्ता झाल्याबाबत पोलिसात नवऱ्याने तक्रार दाखल केली आहे.
तीचे वर्णन- अंगाने सडपातळ, रंग सावळा , चेहरा उभट , नाक सरळ , डोळे काळे , उंची ४.५ फुट , अंगावर भगव्या रंगाची साडी , मणी मंगळसुत्र , मराठी, हिंदी भाषा बोलते अशा वर्णनाची स्त्री कोणास आढळल्यास मंगळवेढा पोलिसांशी संपर्क साधावा.
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज