टीम मंगळवेढा टाईम्स ।
सोलापूर जिल्ह्यासह तालुक्यातील कोविड १९ विषाणूच्या संसर्गामुळे बाधित झालेल्या व्यक्तींची संख्या दिवसेंदिवस मोठ्या प्रमाणात वाढत आहे. यामुळे खबरदारी घेण्याच्या दृष्टीकोनातून, कोरोना साखळी ब्रेक करण्यासाठी तालुका हद्दीत निर्बंध लागू करणे आवश्यक आहे.
व्यापारी संघटनांच्या संगनमताने तालुक्यात २६ एप्रिल ते ३ मे च्या मध्यरात्रीपर्यंत जनता कर्फ्यु पाळण्याचे आदेश मंगळवेढा न.पा चे मुख्याधिकारी निशिकांत परचंडराव यांनी दिले आहेत.
कोरोना संसर्गजन्य परिस्थितीवर तात्काळ नियंत्रण करणे व विषाणू संसर्गात अधिक वाढ होऊ न देता उपाययोजना राबवणे आवश्यक आहे. याकरीता नगरपालिकांच्या हद्दीत हे निर्बंध लागू केले आहेत. यात बाजारपेठा, आठवडी बाजार बंद राहतील.
किराणा दुकाने, इतर सर्व दुकाने बंद राहतील. शैक्षणिक संस्था, शाळा, महाविद्यालय, खाजगी कार्यालये बंद राहतील. हॉटेल, रेस्टॉरंट, सभा मेळावे, बैठका, धार्मिक स्थळे, सांस्कृतिक, धार्मिक व तत्सम कार्यक्रम बंद राहतील.
बार्बर शॉप,स्पा,सलून, बंद राहतील. बगीचे सिनेमागृहे,व्यायामशाळा, क्रिडा स्पर्धा, प्रदर्शने, मेळावे, संमेलने, पानटपरी, हातगाड्या, उघड्यावरील खाद्यपदार्थ विक्री बंद राहणार आहेत.
किरकोळ भाजीपाला, फळे विक्री बाहेर फिरून विकायचे आहे कोणीही चौकात किंवा थांबून विक्री करणार नाही याची दक्षता घ्यावी.फक्त अत्यावश्यक सेवेतील दवाखाने, मेडिकल पूर्ण वेळ चालू राहतील.
तसेच दूध डेअरी सकाळी ७ ते १० व सायंकाळी ५ ते ८ यावेळेत सुरू राहील याची नागरिकांनी नोंद घ्यावी असे आवाहन करण्यात आले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज