विम्याचे संरक्षण! मोफत उपचार, मुलांना शिक्षणासाठी शिष्यवृत्ती मिळणार; यांच्यासाठी आता स्वतंत्र महामंडळ

टीम मंगळवेढा टाईम्स ।

हातावर पोट असलेल्या रिक्षा आणि टॅक्सीचालकांसाठी मुख्यमंत्री एकनाथ शिंदे यांनी स्वतंत्र महामंडळ स्थापन करण्याचा निर्णय घेतला आहे.

शिंदेसेनेचे प्रवक्ते संजय निरूपम यांच्या पुढाकाराने भेटीसाठी आलेल्या रिक्षा-टॅक्सीचालकांच्या शिष्टमंडळाच्या प्रतिनिधींशी बोलताना त्यांनी या महामंडळाच्या अंतर्गत मिळणाऱ्या सोयीसुविधांची माहिती दिली.

यावेळी राज्याचे एमएसआरडीसी मंत्री दादा भुसे, परिवहन विभागाचे अतिरिक्त मुख्य सचिव संजय सेठी, परिवहन आयुक्त विवेक भीमनवार आणि टॅक्सीचालकांच्या विविध संघटनांचे प्रतिनिधी उपस्थित होते.

सध्या मुंबईत रिक्षा आणि टॅक्सीचालकांना परिवहन विभागाकडून जो अतिरिक्त दंड आकारला जातो तो यापुढे आकारला जाणार नाही, असे यावेळी मुख्यमंत्री शिंदे यांनी सांगितले.

मात्र, त्यासोबतच नियम मोडला असेल तर हा दंड आकारला जाईल, असेही त्यांनी स्पष्ट केले. त्यासोबतच रिक्षा टॅक्सीचालकांसाठी ‘महाराष्ट्र टॅक्सी ऑटोरिक्षा चालक-मालक कल्याणकारी महामंडळ’ सुरू करण्यात येणार असल्याचे सांगितले.

६३ वर्षांवरील चालकांना ग्रॅज्युईटी

६३ वर्षांवरील चालकांना ग्रॅज्युईटी मिळावी यासाठीदेखील तरतूद करण्यात येणार आहे. यासाठी प्रत्येक चालकाला वर्षाला ३०० रुपये जमा करावे लागतील तर त्यात उर्वरित भर शासनाकडून टाकण्यात येईल, असे मुख्यमंत्री शिंदे यांनी यावेळी सांगितले.

रिक्षा-टॅक्सीचालकांना हे मिळणार लाभ

या महामंडळांतर्गत प्रत्येक रिक्षा-टॅक्सीचालकाला जीवन विमा कवच देण्यात येईल, त्यामार्फत त्याला तसेच त्यांच्या कुटुंबीयांना मोफत वैद्यकीय उपचार मिळतील, अपघातात अचानक कु कुणी जखमी झाल्यास त्याला तातडीची मदत म्हणून ५० हजार रुपये, मुलांना शिष्यवृत्ती तसेच उच्चशिक्षणासाठी आर्थिक मदत देण्यात येईल,

तसेच कौशल्यविकास विभागाच्या माध्यमातून त्यांच्या मुलांना तंत्रकुशल केले जाईल, मुख्यमंत्री रोजगार योजनेच्या माध्यमातून त्यांना स्वतःचा व्यवसाय सुरू करण्यासाठी आर्थिक साहाय्य मिळेल, असे मुख्यमंत्री म्हणाले.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज