सावधान! भरदिवसा घरफोडी करून सोन्याच्या दागिन्यांसह रोकड लंपास; मंगळवेढा तालुक्यात अज्ञात व्यक्तींचा वावर वाढल्याने नागरिक भयभीत

मंगळवेढा टाईम्स न्युज ।

दुपारच्या वेळी घरात कोणी नसल्याचा गैरफायदा घेऊन एका भामट्याने घराची कडी उघडुन आत प्रवेश केला. आणि घरातील सोन्याच्या दागीन्यांसह रोख रक्कम चोरुन नेली. ही घटना मंगळवेढा तालुक्यातील अरळी येथे घडली आहे.

कृष्णा धर्मांण्णा मोहिते (वय 29 रा.अरळी, ता.मंगळवेढा) यांनी मंगळवेढा पोलिस ठाण्यात दिलेल्या फिर्यादीत म्हटले आहे कि, दि.20 डिसेंबर रोजी दुपारी 12 वा. ते सायंकाळी 4 च्या दरम्यान मोहिते वस्ती अरळी, ता.मंगळवेढा येथील फिर्यादीच्या राहत्या घराचे दरवाजाचे अज्ञात चोरट्याने कुलूप तोडून,

कडी कोयंडा उचकटुन घरात प्रवेश करून बेडरूम मधील प्लायऊड कपाटातील 35 हजार रोख रक्कम 50 हजार किं. चे 5 ग्रॅमची एक पिळ्याची सोन्याची अंगठी, 3 ग्रॅमचे सोन्याचे दोन झुबे, 2 ग्रॅमचे कानातील सोन्याची दोन फुले, 1 ग्रॅमचे सोन्याचे दोन अंगठ्या,

10 हजार किं चे 08 भार चांदीचे दागिने त्यात 5 भार वजनाचे 4 वाळेतोडे व 3 भार वजनाचे दोन पैंजन व एक करदोडा दागिने असे एकूण 95 हजार रूपयाचे रोख रक्कम, सोने चांदी मुद्दाम लबाडीने चोरून नेले असल्याचे दिलेल्या फिर्यादीत म्हंटले आहे.

या घटनेचा अधिक तपास पोलीस हेडकॉन्स्टेबल श्रीमंत पवार हे करीत असून BNS-2023 चे कलम 331 (3), 305 (A) प्रमाणे अज्ञात चोरट्या विरोधात गुन्हा दाखल करण्यात आला आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.