भयंकर! सॉफ्टवेअर इंजीनिअरला जुगाराचा नाद…; आर्थिक नुकसान अन् चार्जिंग केबलने फाशी घेत टोकाचं पाऊल

मंगळवेढा टाईम्स न्युज नेटवर्क ।

एका नामांकित आयटी कंपनीच्या परिसरात 24 वर्षीय सॉफ्टवेअर इंजीनिअरचा मृतदेह आढळून आला आहे. पोलिसांच्या माहितीनुसार, पीडित इंजीनिअरने मोबाईल चार्जिंग केबलने फाशी घेऊन आत्महत्या केली.

संबंधित घटना ही पुण्यातील हिंजवडी आयटी पार्कच्या फेज-3 येथील कॅम्पसमध्ये घडली असून या घटनेमुळे सर्वत्र उडाली आहे.

आयटी इंजीनिअर म्हणून कार्यरत होता…

पोलिसांच्या माहितीनुसार, सुजल विनोद ओसवाल अशी मृताची ओळख समोर आली असून तो पुण्यातील वानवडी परिसरातील रहिवासी होता. तसेच, तो आयटी इंजीनिअर पदावर कार्यरत होता.

रात्री 12:30 च्या सुमारास, परिसरात गस्त घालत असताना सिक्योरिटी गार्ड्सना वॉशरूममध्ये सुजलचा लटकलेल्या अवस्थेत मृतदेह आढळला. त्यानंतर, तातडीने कंपनीच्या वरिष्ठ अधिकाऱ्यांना या प्रकरणाबाबत कळवलं आणि त्यांनी पोलिसांना याची माहिती दिली.

घटनेची माहिती मिळताच हिंजवडी पोलीस घटनास्थळी पोहोचले आणि मृतदेह ताब्यात घेऊन त्याचा तपास सुरू करण्यात आला. प्राथमिक तपासानुसार, तरुणाने वॉशरूमच्या आत मोबाईल चार्जिंग वायरचा वापर करून फाशी घेतली. पोलिसांनी पंचनामा करून मृतदेह पोस्टमॉर्टम रिपोर्टसाठी पाठवला.

जुगारात हारल्याने पैशांचं मोठं नुकसान

पिंपरी-चिंचवडच्या वरिष्ठ पोलीस अधिकाऱ्यांनी दिलेल्या माहितीनुसार, सुरूवातीला हे आत्महत्येचं प्रकरण असल्याचं उघडकीस आलं. तसेच पीडित सुजल ओसवाल मागील काही काळापासून आर्थिक तणावात होता,

असं पोलिसांनी सांगितलं. प्राथमिक तपासात समोर आलं की, सुजल जुगारात हारल्यामुळे त्याला पैशांचं मोठं नुकसान झालं होतं. याच कारणामुळे तो मानसिक तणावात होता. पोलिसांनी याबाबत माहिती देताना सांगितलं की, तरुणाने आत्महत्या होण्यापूर्वी त्याच्या कुटुंबियांना एक मॅसेज पाठवला होता. त्यामध्ये, त्याने त्याच्यावर ओढवलेल्या संकटाबद्दल सांगितलं होतं.

सध्या, पोलीस या प्रकरणाचा सर्व बाजूंनी तपास करत असून पोस्टमॉर्टम रिपोर्ट्स आणि डिजिटल पुराव्यांच्या आधारे पुढील कारवाई केली जात आहे.

पोलीस आता मृताचे कुटुंबीय, सहकारी आणि कंपनीतील अधिकाऱ्यांची चौकशी करून त्यांचे जबाब नोंदवत आहेत. सध्या, या प्रकरणासंबंधी गुन्हा दाखल करण्यात आला असून याचा तपास केला जात आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज