टीम मंगळवेढा टाईम्स ।
राष्ट्रवादी काँग्रेसचे अध्यक्ष शरद पवार यांच्या सिल्व्हर ओक या निवासस्थानावर झालेल्या हल्ला प्रकरणानंतर मुंबई पोलिसांनी वकील गुणरत्न सदावर्ते यांच्यावर अटकेची कारवाई केली होती.
गुणरत्न सदावर्तेंना दोन दिवसांची पोलीस कोठडी ठोठावण्यात आली होती. यांच्यासह ताब्यात घेतलेल्या शंभरहून अधिक आंदोलकांना मुंबईतील किल्ला कोर्टात हजर करण्यात आले होते.
109 संशयित आरोपींना न्यायालयीन कोठडी सुनावण्यात आली होती. आता नुकत्याच हाती आलेल्या वृत्तानुसार गुणरत्न सदावर्तेंना 2 दिवसांची पोलीस कोठडी ठोठावण्यात आली आहे. त्यामुळे सदावर्तेंचा जेलमधील मुक्काम वाढला आहे.
एसटी कर्मचाऱ्यांनी शुक्रवारी शरद पवार यांच्या निवास स्थानाबाहेर आंदोलन केलं. या आंदोलनावेळी काहींनी चपला भिरकावल्या.
या आंदोलनात सहभागी झालेल्यांना सदावर्तेंनी चिथावणी दिल्याचा आरोप आहे. मुंबई पोलिसांनी सदावर्तेंना त्यांच्या घरातून ताब्यात घेतले होते. त्यानंतर पोलीस ठाण्यात नेले. तेथे त्यांची चौकशी केल्यानंतर सदावर्तेंवर गुन्हा नोंदवून अटक केली.
दरम्यान सरकारने एसटी कर्मचाऱ्यांबाबत योग्य भूमीका घेतली नाही. पहिल्या दिवसांपासून कामगारांच्या मागण्या ऐकून घेतल्या जात नव्हत्या.
कित्येक कामगारांनी आत्महत्या केली, मात्र सरकारने त्यांची दखलही घेतली नाही, असे अॅड. गुणवर्ते यांच्या यांचे वकिल अॅड. महेश वासवानी यांनी न्यायालयात सांगितले होते.
न्यायालयाचा निकाल ७ तारखेला आला. त्यावेळी गुणरत्न सदावर्तेंनी आक्षेपार्ह भाषण केले असे जबाबात म्हटले आहे; मात्र गुन्ह्यातील जबाबात वापरलेले शब्द आणि प्रत्यक्षात गुणरत्न यांनी म्हटलेले वाक्य यात तफावत आहे, असाही युक्तीवाद बचाव पक्षांच्या वकिलांनी केला आहे.(स्त्रोत:साम TV )
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज