टीम मंगळवेढा टाईम्स : प्रतिनिधी
मंगळवेढा तालुक्यातील गोणेवाडी (ता. मंगळवेढा, जि. सोलापूर) ग्रामपंचायतीमध्ये सन 2020 ते 2026 या कालावधीत मोठ्या प्रमाणात आर्थिक अनियमितता आणि भ्रष्टाचार झाल्याचा गंभीर आरोप समोर आला आहे.
15 व्या वित्त आयोग, घरकुल, पाणीपुरवठा, घरपट्टी, घरकुल योजना यांसारख्या योजनांमध्ये प्रत्यक्ष काम न करताच बोगस बिले काढून निधीचा अपहार करण्यात आल्याची तक्रार गटविकास अधिकारी, पंचायत समिती मंगळवेढा यांच्याकडे चंद्रकांत गरंडे, बाळासाहेब सलगर, भाऊसाहेब कोळेकर, बालाजी गुंगे दाखल करण्यात आली आहे.
गोणेवाडी येथील रहिवाशांनी दिलेल्या तक्रारीत म्हटले आहे की, सदर कालावधीत कोणतीही विकासकामे प्रत्यक्षात झाली नसताना कागदोपत्री कामे दाखवून लाखो रुपयांची बिले काढण्यात आली आहेत. काही बिले तर ग्रामपंचायतीच्या कर्मचाऱ्यांच्या नावावरच अदा करण्यात आल्याचा संशय आहे.
विशेष म्हणजे, संबंधित कामांच्या मोजमाप पुस्तिका बिले, व्हाउचर आणि इतर कागदपत्रे नागरिकांनी माहिती मागूनही उपलब्ध करून देण्यात आलेली नाहीत. ग्रामपंचायतीच्या आर्थिक व्यवहाराबाबत वार्षिक लेखापरीक्षणात आलेल्या आक्षेपांवरही कोणतीही प्रभावी कार्यवाही करण्यात आलेली नाही.
घरकुल योजनेअंतर्गत तर प्रत्यक्ष घरे पूर्ण न होता किंवा न बांधताच बोगस बिले अदा करून शासन निधीचा गैरवापर करण्यात आल्याची गंभीर बाब तक्रारीत नमूद करण्यात आली आहे.
तक्रारदाराच्या मागण्या सन 2020 ते 2026या कालावधीतील सर्व आर्थिक व्यवहारांची स्वतंत्र चौकशी समिती नेमून सखोल चौकशी करण्यात यावी. 15 व्या वित्त आयोग, घरकुल योजना व इतर सर्व विकासकामांची प्रत्यक्ष स्थळ पाहणी करण्यात यावी.
सर्व मोजमाप पुस्तिका, बिले, व्हाउचर, ठराव व संबंधित अभिलेखांची तपासणी करण्यात यावी.
दोषी आढळणाऱ्या सरपंच, ग्रामसेवक, संबंधित कर्मचारी व इतर जबाबदार व्यक्तींवर फौजदारी गुन्हे दाखल करून कठोर कायदेशीर कारवाई करण्यात यावी.
या तक्रारीमुळे मंगळवेढा पंचायत समिती वर्तुळात खळबळ उडाली असून गटविकास अधिकारी काय कारवाई करतात याकडे गोणेवाडी ग्रामस्थांचे लक्ष लागले आहे.
चौकशी करून कारवाई करण्यात येईल
माझ्याकडे अद्याप गोणेवाडी ग्रामपंचायतीविरोधातील तक्रार आलेली नाही. तक्रार प्राप्त झाल्यास चौकशी करून कारवाई करण्यात येईल.-ए. व्ही. नलवडे, विस्ताराधिकारी, पंचायत समिती, मंगळवेढा.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
