मंगळवेढा टाईम्स न्युज नेटवर्क।
फार्मर मॉल व फिनोलेक्स पाईप अँड फिटिंग्ज यांच्या संयुक्त संकल्पनेतून व उद्योगपती जनार्धन शिवशरण व ‘फार्मर मॉल’च्या मुख्य कार्यकारी अधिकारी करुणा जनार्धन शिवशरण यांच्या मार्गदर्शनाखाली
बेगमपूर येथे पारंपारिक व आधुनिक शेती जमिनीची मशागत शेती उत्पादन वाढीचे तंत्रज्ञान इत्यादी विषयांवर माहिती व चर्चात्मक स्वरूपाचा भव्य शेतकरी मेळावा त्याचबरोबर
राज्यातील आदर्श आणि प्रेरणादायी शेतकरी बंधू-भगिनींचा सन्मान सोहळा या कार्यक्रमांचे शनिवार दिनांक २७ सप्टेंबर २०२५ रोजी सकाळी १०.०० वाजता फार्मर मॉल बेगमपूर या व्यावसायिक दालनाच्या प्रशस्त प्रांगणात
पंढरपूर मंगळवेढा विधानसभा मतदारसंघाचे आमदार समाधान आवताडे यांच्या हस्ते व झेडएसएम, फिनोलेक्स नॅशनल हेड ॲग्री पाईप डिव्हिजन चे अधिकारी विश्वजीत मुरलीधर हारुगडे यांच्या प्रमुख उपस्थितीमध्ये आयोजन करण्यात आले असल्याची माहिती युवा उद्योजक निलेश साबळे यांनी दिले आहे.
त्याचबरोबर वसंतराव नाईक मराठवाडा कृषी विद्यापीठ परभणी या विद्यापीठाचे उपसंचालक संशोधन तथा विभाग प्रमुख डॉ.हरिहर कौसडीकर यांचे जमिनीचे आरोग्य आणि पोषण तसेच
प्रयोगशील शेती अभ्यासक बालाजी लोहकरे यांचे टोमॅटो कलिंगड व खरबूज शेती यावर आणि रावसाहेब गरदडे यांचे शेती तंत्रज्ञान ऊस व्यवस्थापन यांच्यावर सखोल आणि शेतकरी केंद्रित व्याख्यान व मार्गदर्शन संपन्न होणार आहे.
मागील २७ वर्षांपासून उद्योगपती जनार्धन शिवशरण यांच्या नेतृत्वाखाली सुरू असलेल्या आदित्य रेगेटर्स या व्यवसायिक दालनाचे नूतन नामांतरण फॉर्मल मॉल असे करण्यात आले आहे त्याचेही अनावरण आमदार समाधान आवताडे व विश्वजीत हारुगडे यांच्या हस्ते यावेळी करण्यात येणार आहे.
ग्राहकाभिमुख सेवा आणि शेतीपूरक संस्कृती यांचा मेळ घालून उद्योगपती जनार्दन शिवशरण व फार्मर मॉल च्या मुख्य कार्यकारी अधिकारी करुणा शिवशरण यांनी शेतकरी हित डोळ्यासमोर ठेवून या भागामध्ये व्यवसाय रूपाने आपली उद्योजकीय कीर्ती प्रस्थापित केली आहे.
सदर कार्यक्रमानिमित्त जवळपास १०० ते ५०० एकर बागायतदार शेतीवावर असणाऱ्या संपूर्ण राज्यातील प्रयोगशील आणि प्रेरणादायी अशा २० ते २५ शेतकरी बंधू-भगिनींचाही त्यांच्या कर्तबगारी प्रती कृतज्ञता व्यक्त होण्यासाठी सन्मान सोहळा यावेळी संपन्न होणार आहे.
तंत्रज्ञानाच्या पुढारलेल्या युगामध्ये रील कर्त्यांना आपल्या सुप्त गुणांच्या माध्यमातून कलात्मक व्यासपीठ उपलब्ध होण्याच्या अनुषंगाने फार्मर मॉल यांच्या संकल्पनेतून आयोजित करण्यात आलेल्या रिल्स स्पर्धेचा निकाल व पारितोषिक वितरण मान्यवरांच्या हस्ते यावेळी जाहीर करण्यात येणार आहे.
तरी वरील सर्व कार्यक्रमांसाठी राज्यातील शेतकरी बंधू भगिनींनी मोठ्या संख्येने उपस्थित राहण्याचे आवाहन फार्मर मॉल बेगमपूर यांच्यावतीने करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
