टीम मंगळवेढा टाईम्स । सांगोला | बाळासाहेब झिंजुरटे
सहकार, उद्योग, अर्थक्रांती आणि धवलक्रांतीच्या माध्यमातून सामाजिक कार्याचा आदर्श निर्माण करणारे सूर्योदय उद्योग समूहाचे संस्थापक व ‘एल के पी मल्टीस्टेट’चे चेअरमन उद्योजक अनिलभाऊ इंगवले यांचा अभिष्टचिंतन सोहळा सांगोला येथील सूर्योदय बँक्वेट हॉलमध्ये हजारो मित्रपरिवाराच्या उपस्थितीत अत्यंत उत्साहात संपन्न झाला.
या वाढदिवसाचे औचित्य साधून राबविण्यात आलेल्या ‘रक्तदान सप्ताहा’ला उत्स्फूर्त प्रतिसाद मिळाला असून, तब्बल ५११ रक्तदात्यांनी रक्तदान करत या उपक्रमाची यशस्वी सांगता केली.
दोन राज्यांत ‘रक्तदान सप्ताह‘ संकल्पना
दरवर्षी वाढदिवसाला रक्तदान शिबिराचे आयोजन करण्याची सूर्योदय समूहाची परंपरा आहे. मात्र, यंदा ही संकल्पना अधिक व्यापक करत ‘रक्तदान सप्ताह’ राबविण्यात आला.
‘एलकेपी मल्टीस्टेट को-ऑपरेटिव्ह क्रेडिट सोसायटी’च्या महाराष्ट्र आणि कर्नाटक या दोन्ही राज्यांतील एकूण ४३ शाखांच्या माध्यमातून विविध स्तरांवर रक्तदान शिबिरे घेण्यात आली. या कामी ‘रेवनील ब्लड बँक’ ग्रुपने उत्कृष्ट नियोजन केले होते.
रक्तदानाचे महत्त्व:
“रक्त कुठेही कृत्रिमरीत्या तयार होत नाही. एका रक्तदात्याच्या रक्तामधून तांबड्या पेशी, प्लाझ्मा आणि प्लेटलेट्स असे तीन घटक वेगळे करून तीन गरजूंचे प्राण वाचवता येतात. तसेच नियमित रक्तदानाने हृदयविकाराचा धोका कमी होतो,” असा संदेश या उपक्रमातून देण्यात आला.
सामाजिक बांधिलकी आणि देणगी
सूर्योदय उद्योग समूह कायमच वृक्षारोपण, नेत्ररोग व स्त्रीरोग निदान शिबिरे, महिलांसाठी तीर्थयात्रा, जलसंधारण आणि अन्नदान यांसारखे लोकोपयोगी उपक्रम राबवत असतो. याच सामाजिक बांधिलकीतून अनिलभाऊ इंगवले यांनी आपल्या वाढदिवशी, गरजू व्यक्तींसाठी कार्य करणाऱ्या ‘आपुलकी प्रतिष्ठान’ या सामाजिक संस्थेला ११,०००/- रुपयांची रोख देणगी सुपूर्द केली.
राजकीय व सामाजिक क्षेत्रातील मान्यवरांची उपस्थिती
सकाळी १० वाजल्यापासून सुरू झालेल्या या सोहळ्याला सांगोला तालुका, जिल्हा आणि राज्यभरातून विविध क्षेत्रांतील मान्यवरांनी हजेरी लावली.
दूरध्वनीद्वारे शुभेच्छा: सांगोल्याचे विद्यमान आमदार डॉ. बाबासाहेब देशमुख, माजी आमदार एड. शहाजीबापू पाटील आणि माजी आमदार दीपकआबा साळुंखे पाटील यांनी दूरध्वनीवरून आपले शुभसंदेश पाठवले.
प्रत्यक्ष उपस्थित मान्यवर:
भाजपा नेते चेतनसिंह केदार, जि.प. सदस्य अतुल मालक पवार, सांगोला पं.स. सभापती सुदर्शन इंगवले, जि.प. सदस्य किरणभाऊ पांढरे, पोलीस निरीक्षक विनोद घुगे, महिला सूतगिरणीच्या चेअरमन कल्पनाताई शिंगाडे, सौ. वैशालीताई घुगे, मंगळवेढ्याचे माजी सभापती संभाजी गावकरे, ‘लय भारी’ समूहाचे प्रमोददादा साळुंखे यांसह अनेक राजकीय, सामाजिक व व्यावसायिक क्षेत्रातील दिग्गज उपस्थित होते.
विठ्ठल भजनी मंडळाचा सत्कार ठरला लक्षवेधी
वाढेगाव येथील विठ्ठल भक्त दीपक बंदरे यांच्या विठ्ठल भजनी मंडळाच्या वतीने संतांच्या वेशभूषेत अनिलभाऊंचा सत्कार करण्यात आला, जो सोहळ्याचे मुख्य आकर्षण ठरला. उपस्थित सर्व शुभचिंतकांसाठी सूर्योदय बँक्वेट हॉल येथे स्नेहभोजनाचे आयोजन करण्यात आले होते.
हा सोहळा यशस्वी करण्यासाठी सूर्योदय उद्योग समूहाचे सह-संस्थापक जगन्नाथ भगत गुरुजी, डॉ. बंडोपंत लवटे, सुभाष दिघे गुरुजी तसेच एलकेपी मल्टीस्टेट व सूर्योदय समूहाच्या सर्व कर्मचाऱ्यांनी अथक परिश्रम घेतले. वित्तीय संस्था व उद्योग सांभाळत सामाजिक भान जपणा-या सूर्योदय परिवाराचे व अनिलभाऊंचे सर्वत्र कौतुक होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
