टीम मंगळवेढा टाईम्स।
मंगळवेढा शहर जिल्ह्यातील विविध महाविद्यालयातील विद्यार्थ्यांनी मोबाइलचे दुष्परिणाम, सोशल मीडिया , मानव उत्क्रांती, सागरी महामार्गात मासेमारी करताना येणाऱ्या अडचणी, शांततेचा बुद्ध, महिलांच्या व्यथा अशा विविध ज्वलंत प्रश्नावर मूकनाट्यातून प्रकाश टाकण्यात आला.
टाळ्या, शिया, वाहवा, वाहवा ची दाद उपस्थित विद्यार्थ्यांनी दिली.
पुण्यश्लोक अहिल्यादेवी होळकर सोलापूर विद्यापीठाच्या अठराव्या युवा महोत्सवात पहिल्या दिवशी दलित मित्र कदम गुरुजी विज्ञान महाविद्यालय मुख्य रंगमंचावर मूकनाट्याच्या स्पर्धा रंगल्या मूकनाट्यातून ग्रामीण भागातील महाविद्यालयाच्या विद्यार्थ्यांनी
न बोलता, केवळ हावभाव दाखवित ज्वलंत प्रश्नावर आपला विषय मांडला एकूण ४५ हून अधिक महाविद्यालयांनी मूकनाट्य या कलाप्रकारात सहभाग नोंदवला.
जुळे सोलापूर येथील वसुंधरा कला व शास्त्र महाविद्यालयाच्या संघाने मानव उत्क्रांती हा विषय सादर करून उपस्थितांची मने जिंकली.
माकडापासून मानव आणि मानव कशा पद्धतीने प्रगत होत गेला मूकनाट्यातून दाखवण्यात आले . मानवाने आगीचा चाक , बैलगाडी , सायकल , गाडी , बस , रेल्वे , गुरुत्वाकर्षण शोध , रोबोट , लॅपटॉप , टायपिंग , विमान , रॉकेटसह चंद्रावर कशा पद्धतीने पोहोचले.
हे मुकनाट्यातून दाखवण्यात आले माणदेश महाविद्यालय जुनोनी यांनी स्त्रीचा पुरुषीकडे प्रवास , सात रस्ता येतील एलबीपीएम महाविद्यालयानी पृथ्वी उत्पत्ती अंतपर्यंत , श्री शिवाजी महाविद्यालय बार्शी यांनी जिद्द , बीपी सुलाखे महाविद्यालय बार्शी यांनी सोशल अवरनेस,
ए . आर . बुर्ला महिला महाविद्यालयाने स्त्रीच्या व्यथा मांडल्या , दलित मित्र कदम गुरुजी विज्ञान महाविद्यालयाने सागरी महामार्गातील मासेमाऱ्यांना येणाऱ्या अडचणी, सांगोला महाविद्यालय सांगोला यांनी शांततेचा बुद्ध यावर मूकनाट्य सादर करून उपस्थितांची वाहवा मिळवली.
त्याचबरोबर शंकरराव मोहिते पाटील अकलूज, कला सिंहगड महाविद्यालय केगाव, वालचंद शास्त्र महाविद्यालय, दयानंद महाविद्यालय यासह विविध महाविद्यालयाने मूकनाट्य सादर करून रसिक विद्यार्थ्यांची दाद घेतली.
सेल्फी पॉईंटने वेधले लक्ष
विद्यापीठाच्या युवा महोत्सवात दलित मित्र कदम गुरुजी महाविद्यालयात आलेल्या विद्यार्थ्यासाठी सेल्फी पॉईट उभे करण्यात आले आहे. आलेल्या विद्यार्थ्यांनी व विद्यार्थिनीनी सेल्फी पॉईंटचा पुरेपूर वापर करून सेल्फी काढण्याचा आनंद लुटला. कुलगुरु डॉ . मृणालिनी फडणवीस यांनीही विद्यार्थ्यासोबत फोटो घेतला.
युवा महोत्सवात आज दिवसभर
● आज सकाळी ८ ते ११ शास्त्रीय नृत्य : दलित मित्र कदम गुरुजी मुख्य रंगमंच.
● सकाळी ८ ते १ सुगम गायम : स्व.इंदिरा संभाजी कदम स्वर साधना मंच.
● सकाळी ९ ते ४ पथनाट्य संस्था कार्यालयाशेजारी
● सकाळी ९ ते ११.३० स्थळचित्रण : महाविद्यालय परिसर
● सकाळी १० ते १ वादविवाद : संत दामाजीपंत शब्दांगण मंच :
● सकाळी ११ ते २.३० फोक आर्केस्ट्रा : दलित मित्र कदम गुरुजी मुख्य रंगमंच
• दुपारी ३ ते ६.३० शास्त्रीय सुरवाद्य : स्व.इंदिरा संभाजी कदम स्वरसाधना मंच
• दुपारी ३ ते ६ कथाकथन : संत दामाजीपंत शब्दांगण मंच
• दुपारी ३.३० ते ६.३० नकला : दलित मित्र कदम गुरुजी मुख्य रंगमंच.
• दुपारी ३ ते ५ स्पॉट फोटोग्राफी : महाविद्यालय परिसर
• सायंकाळी ६.३० ते १० एकांकिका ( मराठी / हिंदी ) : दलितमित्र कदम गुरुजी मुख्य रंगमंच.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज